Erubasa 11:7 - Manobo Western Bukidnon OT

⁷ Emun ebpatey en is menge etew he lalung, ne egkaawà is perateng dan; is menge penganduy zan egkehimu he wazè dan pulus.

Erubasa 11:7 ပူးပေါင်းရင်းမြစ်များ

Job 11:20

Piru egkepakyas mulà is menge lalung ne wazè dan en egkepeleǥuyan, ne kemetayen dà is egkeperateng dan.”

Salmo 112:10

Egkaahà heini te menge lalung ne egkekeǥetket is menge ngipen dan te kegkepauk dan, ne henduen be sikandan te egkereney tenged te kegkeeled dan. Kenà edlampus is menge pelanu zan.

Salmo 146:4

Ebpekelikù sikandan diyà te tanà ke ebpatey zan en. Ne zutun ebpekeengked sikandan he ebpelanu.

Erubasa 10:28

Kelipey is egkeperateng te etew he metazeng, iyan, is ebperetengen te etew he mezaat is menge ulaula zin, ne kenè din egkekuwa.

Erubasa 10:29

Is kedsunud te menge suǥù te Nengazen iyan iliyan te menge metazeng, iyan, is menge lalung he edsupak kayi ne egkengezeetan mulà.

Erubasa 11:8

Edlibriyen te Megbevayà te kelised is metazeng he etew, piru kenè din mulà edlibriyen is lalung.

Erubasa 14:32

Edezeetan te Megbevayà is menge mekesesalà tenged te mezat he ulaula zan, piru ebpengelangan din is metazeng minsan ke ebpatey, ne zuen din mulà egkeeputan.

Ezekiel 28:9

Ne ed-ahaan ta ke ebpekekaǥi ke pa ǥihapun diyà te etuvangan te menge edhimatey kenikew te Megbevayè ka. Etew zà is ked-isipa zan kenikew ne kenà Megbevayà.