Erubasa 11:3 - Manobo Western Bukidnon OT

³ Is etew he metazeng, egketuenan din ke hengkey is ereg he ebeelan din su hustu man is paaǥi zin, piru is etew he edlimbung, egkezeetan su kenà hustu is paaǥi zin.

Erubasa 11:3 ပူးပေါင်းရင်းမြစ်များ

Salmo 25:21

Metazeng a wey wazà igkesawey kediey; umbe iyan ke en metau he kenà a mekeizi. Edsarig e zà kenikew.

Salmo 26:1

Nengazen, ipeehè nu he wazè ku salà, su nengungubpaan a he wazà igkesawey kedì ne mibpurung a medsarig kenikew.

Erubasa 11:5

Is ketazeng te etew he wazà duen igkesewayi, iyan ebpekepelemu te ked-ubpè din, ne is mezaat he ulaula te etew ne iyan ebpekezezaat kandin.

Erubasa 13:6

Is meupiya he menge ulaula, iyan bantey te menge metazeng, piru is mezaat he menge ulaula, iyan ebpuew te menge mekesesalà.

Erubasa 19:3

Duen menge etew he edezeeten dan is keugelingen dan tenged te kedtinulebung dan, ne iyan ebesulan dan is Nengazen.

Erubasa 2:22

Iyan, sikan is ebpemen-ulaula te mezaat wey meluiven ne id-awà. Iring sikandan te sagbet he ebezuten.

Erubasa 21:7

Pinaaǥi te kebebagis te etew he lalung, egketipu sikandin su kenè man sikandin egkesuat he ed-ulaula te hustu.

Erubasa 22:12

Ebpurungan ebentayi te Nengazen is menge uluwanen, piru edezeetan din is menge pelanu te menge teruen.

Erubasa 28:18

Is etew he wazè duen igkesawey ne kenà egkekeizan, piru is etew he kenà hustu is ulaula zin ne meǥaan egkahanew.

Megwewali 7:17

Kenè nu zaan pesubrahi is kegkezaat nu, wey kenè ka medtinulebung. Su emun ebeelan nu heini egkepenggevuan is umur nu.

Isaias 1:28

Piru edezeetan din mulà is menge mesinupaken wey menge mekesesalà, he edselikwey te Nengazen.

Numero 31:8

Ragkes dutun te mibpenhimetayan dan is lelima he hadì diyà te Midian he iyan ensi Evi, Rekem, Zur, Hur, wey Reba. Midhimetayan dan daan si Balaam he anak ni Beor pinaaǥi te ispada.