Erubasa 10:6 - Manobo Western Bukidnon OT

⁶ Edtuvazan te Megbevayà is metazeng he etew, iyan, is menge lalag te lalung he etew ebpekezezaat.

Erubasa 10:6 ပူးပေါင်းရင်းမြစ်များ

Ester 7:8

Ne hein midlikù kes hadì puun diyà te pemuleey ziyà te turuǥan pehendiyà te lugar he zutun dan med-inum, neehè din si Haman is ed-ul-ulembà duen te midhizeǥaan ni Ester is edhangyù. Ne migkaǥi haazà is hadì te, “Es! Es! Egkesuatan nu pa te edlayug is rayna kayi te turuǥan ku minsan kayi te etuvangan ku?” Hein nekepasad he egkaǥi haazà is hadì, midtembunan te menge suluǥuen is ulu ni Haman.

Job 29:13

Ebpenubtuvazan a te edserupatey he menge etew he netevangan ku, wey nelipey is balu he menge vahi he netevangan ku zaan.

Salmo 107:42

Naahà heini te menge metazeng ne nelipey sikandan, iyan, is langun he menge lalung ne wazè dan egkekaǥi.

Erubasa 10:11

Is menge lalag te etew he metazeng ebpekeveǥey te keupiyaanan diyà te zuma, piru is menge lalag te lalung he etew ebpekezezaat.

Erubasa 10:5

Is anak he edezerengdeng emun timpu te tiraǥun uluwanen sikandin, iyan, is anak he và dà edliplipezeng emun timpu te tiraǥun, ebpekeveǥey te keelezan.

Erubasa 11:26

Edrewakan te menge etew is etew he idsekel zin is keuyaǥan, iyan, ebpenubtuvazan dan mulà is andam he ebelegyà te keuyaǥan su wey metevangi is duma.

Erubasa 24:25

Piru emun ebpigedahan nu haazà is nekesalà, edtuvazan ka wey ed-uswag ka.

Erubasa 28:20

Is etew he egkeseriǥan ne edtuvazan te Megbevayà; iyan, is etew he egègaanen din is kegketiǥayun din te zekelà, ne iyan egkepengkusan din is kegkesiluti kandin.

Erubasa 3:33

Edrewakan te Nengazen is pemilya te etew he mezaat is menge vaal zin, iyan, edtuvazan din mulà is pemilya te etew he metazeng.

Isaias 3:10

Keǥiyi niw is menge metazeng te meupiya is ukur zan, su egkeraǥun dan is beǥas te meupiya he menge vaal zan.

Obadias 1:10

“Tenged te kebpesipelahi niw te menge kevuwazan ni Jacob, he menge kezuzumahi niw, ebpeel-elezan kew wey edezeetan kew te wazà pidtemanan.

Deuteronomio 28:2

Emun edsunuzen niw is Nengazen he Megbevayè niw ne egkaangken niw heini is langun he keupiyaanan: