Erubasa 10:3 - Manobo Western Bukidnon OT

³ Kenà idtuǥut te Nengazen he mevitil is menge metazeng, iyan, kenè din ebmehimuwen he mekuwa te menge lalung is egkesuatan dan.

Erubasa 10:3 ပူးပေါင်းရင်းမြစ်များ

Job 15:23

Ebpekeriǥuriǥu sikandin diyà te minsan hendei is ebpen-ahà te keenen. Netuenan din he hapit en sikandin ebpatey.

Job 20:28

Egkaanud te zalem is baley zin dutun te andew te kebpeǥezama kandin te Megbevayà te pauk din.

Job 5:20

Edlibriyen ke zin te kemetayen emun timpu te vitil etawa tebek.

Salmo 10:14

Neehè nu is menge etew he ed-antus wey sikan is ebpenlised, ne andam ka he edtavang kandan. Edangep diyà te kenikew is mekehizuhizu he menge etew he iring te menge ilu, ne edtevangan nu sikandan.

Salmo 112:10

Egkaahà heini te menge lalung ne egkekeǥetket is menge ngipen dan te kegkepauk dan, ne henduen be sikandan te egkereney tenged te kegkeeled dan. Kenà edlampus is menge pelanu zan.

Salmo 33:19

Iyan sikandin edlibri kandan te kemetayen wey ed-uyag kandan emun timpu te vitil.

Salmo 37:19

Ne minsan timpu te vangkit kenà sikandan egkemenu, ne minsan timpu te vitil ne zekelà is keenen dan.

Salmo 37:25

Puun te vatè e pa taman en guntaan te meǥurang e en, ne wazè e pa mekaahà te metazeng he menge etew he mibey-anan te Nengazen etawa mekepekilimus te keenen is menge anak dan.

Salmo 37:3

Sarig ka te Nengazen, ne ul-ulaha nu is meupiya. Pengungubpaan ka kayi te tanà he wazè nu igkahandek he ebpekekaid.

Erubasa 13:25

Kenà ebitilen is menge metazeng, iyan, ebitilen mulà is kenà menge metazeng.

Erubasa 14:32

Edezeetan te Megbevayà is menge mekesesalà tenged te mezat he ulaula zan, piru ebpengelangan din is metazeng minsan ke ebpatey, ne zuen din mulà egkeeputan.

Erubasa 28:25

Is etew he leǥezen ebpeketuvù te kesevaan, iyan, is etew he edsarig te Nengazen ed-uswag mulà sikandin.

Erubasa 28:9

Is minsan hentei he kenà edtuman te Kesuǥuan, egkeepesan te Megbevayà minsan is menge pengemuyù din.

Isaias 33:16

Iyan heini ked-etew te menge etew he ebpekelingkawas te vangkit, ne iring te ziyè dan med-ubpà te metikang he menge lugar, ne iyan egkehimu he endilungè dan is dezekelà he menge vatu. Ne kenà sikandan egkeewaan te keenen wey wahig.

Zefanias 1:18

Kenà ebpekelibri kandan is menge pelata zan wey menge vulawan dutun te andew te kebpeǥezama ku te pauk ku he iring te hapuy he ebpekeepur te tivuuk he tanà. Edtik-awan ku edezeeti is langun he ed-ubpà kayi he tanà.”