Deuteronomio 8:9 - Manobo Western Bukidnon OT

⁹ Kenè kew egkeewaan te keenen kayi he tanà ne kenè kew egkekurangan te minsan hengkey. Kayi he tanà ebpekekuwa kew te menge putew he henduen dà te ebpengamì kew zà te vatu, ne dekelà daan is brunsi ziyà te menge vuntud.

Deuteronomio 8:9 ပူးပေါင်းရင်းမြစ်များ

1 Cronica 22:14

Midheǥuan ku is kedteǥana te menge egkeǥamit kayi te kedtukuza te valey te Nengazen–3,500 he tunilada he vulawan, 35,000 he tunilada he pelata, wey mezakel pa he menge brunsi wey menge putew he kenè en egketimbang tenged te keveǥat dan. Midteǥana a zaan te menge kayu wey menge vatu, piru kinahanglan he umani nu pa heini.

Josue 22:8

he ke sikandin te, “Ed-ulì kew he ed-uwit te mahabet he menge ketiǥeyunan–menge uyaǥen, pelata, bulawan, brunsi, putew wey menge visti. Behini niw is menge kezuzumahi niw he ziyà te keniyu te minsan hengkey he naaǥew niw ziyà te menge kuntada niw.”

Deuteronomio 33:25

Berakat he is menge pultahan te menge inged dan ne putew wey brunsi is biǥer zan, wey verakat he kenà maawà is kegkemekeǥeǥehem dan mintras uuyag dan pa.

Job 28:2

Is putew egkekuwa puun te tanà, ne is brunsi edtunawen puun te vatu.

Deuteronomio 8:8

Heini he tanà duen kayi menge trigu, barli, paras, higus, pumigranata, ulibu, wey teneb.

Deuteronomio 8:10

Emun ebpekekaan kew en te minsan hengkey he egkesuatan niw, ne zeliǥa niw is Nengazen he Megbevayè niw tenged te kebeǥayi zin keniyu te utew meupiya he tanà.

Zatù 18:10

Meluag haazà he tanà wey selebpeten, ne zutun is langun he kinahanglan tew. Wey wazè dan isipa he zuen egkaid kandan. Imbeǥey en te Megbevayà kenitew haazà he lugar.”

1 Cronica 22:3

Mibeǥey si David te utew mezakel he menge putew he ebeelan he menge ransang wey menge bisagra para te menge ǥemawan, wey mezakel he menge brunsi he kenè en egketimbang tenged te keveǥat din.