Deuteronomio 8:4 - Manobo Western Bukidnon OT

⁴ Seled te 40 he tuig wazà mezaan is menge visti niw wey wazà lupangi is menge paa niw te kehipanew niw.

Deuteronomio 8:4 ပူးပေါင်းရင်းမြစ်များ

Nehemias 9:21

Mibeǥayan nu sikandan te menge kinahanglan dan seled te 40 he tuig te ziyà sikandan te sibsivayan. Umbe kenà kurang is menge kinehenglanen dan. Wazà mezaan is menge visti zan wey wazà lupangi is menge paa zan te kedtulung dan kedhipanew.

Deuteronomio 29:5

Seled te 40 he tuig te kebpenguluwi ku keniyu ziyà te sibsivayan, wazà mezaan is menge visti niw wey menge sandalyas niw.

Numero 14:33

Is menge anak niw, egkeiring te ed-elima te kerehidu he ebpekeriǥuriǥu kayi te sibsivayan seled te 40 he tuig. Ne tenged kayi egkerasey sikandan tenged te keniyu he kedluib kediey taman te ebpematey kew is langun.

Exodus 16:35

Migkaan is menge Israilihanen te ‘manna’ seled te 40 he tuig, taman te nekeuma zan diyà te tanà he ed-ubpaan dan he iyan is Canaan.

Deuteronomio 2:7

Tentenuzi niw is kedtuvazi ku te langun he mibeelan niw. Iyan a Nengazen he Megbevayè niw, iyan a mibantey keniyu ziyà te hipanew niw kayi te meluag he sibsivayan. Seled te 40 he tuig is kebpekiduma ku keniyu ne wazà megkurang is minsan hengkey he kinahanglan niw.” ’ Iyan haazà lalag te Nengazen kediey.