Deuteronomio 7:4 - Manobo Western Bukidnon OT

⁴ su ebpekepekeziyù diyà te Nengazen is menge anak niw su ziyè dan man ibpepenilbi te zuma he menge ed-ezapen. Ne emun egkehitavù heeyan ne ibpeǥezaman keniyu te Nengazen is pauk din ne egkengezeetan kew.

Deuteronomio 7:4 ပူးပေါင်းရင်းမြစ်များ

1 Hadì 16:31

Ne kurang pa ziyà te kandin is ked-iring te menge salà he mibeelan ni Jeroboam, kekenà, mid-esawa zin si Jezebel he anak ni Hadì Etbaal he tig-Sidon, ne nenilbi sikandin wey mid-azap te ed-ezapen he si Baal.

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Exodus 34:16

Ne egkehimu zaan he ebpemengesawa ziyà te kandan is menge anak niw he maama, ne tenged dutun egkehimu he ed-azap dan te menge ed-ezapen dutun te menge etew.

Deuteronomio 20:18

Su emun kenè niw sikandan pudu egeraa, ne ibpenurù dan keniyu is langun he utew mezaat he menge vaal zan he ebeelan dan ke ed-ezapen dan is kandan he ebpen-ezapen, ne tenged kayi ebpekesalè kew ziyà te Nengazen he Megbevayè niw.

Deuteronomio 4:26

“Guntaan he andew ibpetistiǥu ku is langit wey tanà he emun ebaal kew te ledawan he ed-ezapen ne meǥaan kew zà egkahanew puun duen te tanà he ed-engkenen niw ziyà layun te Jordan. Mevavè dà he timpu is kebpekeubpè niw zutun ne egkepurung kew en egkezeeti.

Deuteronomio 6:15

su is Nengazen he Megbevayè niw he miduma keniyu, kenà egkesuat he ed-azap kew te zuma. Emun ed-azap kew te menge ed-ezapen te zuma he menge etew ibpeǥezaman keniyu te Nengazen is pauk din ne edezeetan kew zin kayi te tanà.

Josue 22:15

Kebpekeuma zan diyà te Gilead, migkeǥiyan dan is tribu ni Reuben, ni Gad, wey is ketengà he tribu ni Manase te,

Josue 23:12

“Iyan, emun ed-iniyuǥan niw sikandin, wey ebpekidsevaha kew te menge etew kayi te menge nasyun he kemulu pa menge zuma niw, wey ebpekid-esawa kew kandan,

Zatù 2:11

Mibaal te mezaat diyà te etuvangan te Nengazen is menge Israilihanen wey mid-azap dan is ledawan te ed-ezapen he si Baal.

Zatù 2:20

Umbe, utew sikandan nepeuki te Nengazen. Migkaǥi is Nengazen te, “Tenged te midrapas kayi te menge etew is midhimu ku ziyà te menge kepuun dan he kebpekid-uyun kandan, wey wazè e zan pezumdumahi,

Zatù 3:6

Midtuǥutan te menge Israilihanen is menge anak dan te kebpemengesawa wey kebpemeesawa kayi he menge etew, ne mid-azap dan is menge ed-ezapen kayi he menge etew.