Deuteronomio 7:2 - Manobo Western Bukidnon OT

² Ne emun ibeǥey en sikandan te Nengazen he Megbevayè niw ziyà te keniyu su egkezaag niw en sikandan, kinahanglan he ebpurungan niw sikandan edèdeeti. Kenè kew mebaal te kesebutan diyà te kandan etawa kenè kew mebpaahà te hizu niw kandan.

Deuteronomio 7:2 ပူးပေါင်းရင်းမြစ်များ

Genesis 14:20

Deliǥa is Utew Lavew he Megbevayà, su midhimu zin he mekezaag ka te menge kuntada nu.” Ne zutun, imbeǥey kandin ni Abram is ikepulù he vahin te langun he netavan din.

2 Samuel 21:2

Kenà heini sikandan Israilihanen, kekenà, iyan heini kes nengesamà he menge uuyag te menge Amorihanen. Impenaad te menge Israilihanen he kenè dan en sikandan edhimetayan, piru si Saul, duen planu zin te kegeraa kandan tenged te igkeipeng din is Israel wey Juda. Impetawag ni David is menge Gibyunhen

1 Hadì 20:34

Migkaǥi si Ben Hadad diyà te ki Ahab te, “Id-ulì ku ziyà te kenikew is menge inged he mid-aǥew te amey ku ziyà te amey nu. Ne egkehimu ke edtukud ka te menge tindahan diyà te Damascus, iring te mibeelan te amey ku ziyà te Samaria.” Migkaǥi si Ahab te, “Edhimuwen ta heini he sevaha he kesebutan, ne ibpaawè ku sikew.” Umbe mid-uyun sikandan, ne hein nepasad impeǥenat sikandin ni Ahab.

Ezra 10:3

Umbe, ǥuntaan ebpezumdumahan dey is sambag nu wey is sambag te zuma he edtahud te menge suǥù te Megbevayè tew. Ebpenangdù key ziyà te Megbevayè tew he edsegseǥen dey heini he menge vahi ragkes en is menge anak dan. Edtumanen dey is nekaǥi te Kesuǥuan.

Salmo 106:34

Wazà penhimetayi te menge Israilihanen is menge etew ziyà te Canaan he iyan pezem insuǥù kandan te Nengazen.

Exodus 22:20

“Is minsan hentei he kenè din iyan ebpemuhaten is Nengazen su iyan din ebpemuhaten is duma he ed-ezapen, kinahanglan he ebpurungan edèdeeti.

Numero 21:2

Ne nenangdù is menge Israilihanen diyà te Nengazen he ke sikandan te, “Emun ebpeveyveyaan nu kenami heini he menge etew, ibeǥey zey zaan diyà te kenikew is tivuuk he inged dan pinaaǥi te kedezeeti zey kayi.”

Numero 31:17

Umbe, geraa niw is langun he menge vatà he maama wey is langun he menge vahi he nehilevetan en te maama.

Numero 33:52

ne segseǥa zan is langun he meǥinged dutun wey pendèdeeti zan is langun he menge ed-ezapen te Canaanhen he mibpurma he menge vatu wey mital, wey is langun he menge simbahan dan diyà te metikang he menge lugar.

Deuteronomio 13:8

kenè ka mebpeuwit wey mebpemineg kandin. Kenè nu sikandin kehizuwi wey kenè nu levani.

Deuteronomio 13:9

Kinahanglan he edhimetayan sikandin. Iyan ka huna tuleng kandin te vatu te kedhimatey kandin, ne edsunud is kezekelan.

Deuteronomio 19:13

Kenè niw sikandin kehizuwi. Kinahanglan he id-awè niw puun te Israel is kebpenhimatey te wazà mekesalà he menge etew su para mebmeupiya is kebpekesavuk niw.

Deuteronomio 2:33

imbeǥey sikandin diyà te kenitew te Nengazen he Megbevayè tew ne midhimetayan tew sikandin ragkes is menge anak din wey is langun he menge sundaru zin.

Deuteronomio 2:34

Dutun he timpu mid-aǥew tew is langun he inged din wey miǥerè tew is menge maama, menge vahi, wey is menge vatà. Wazè tew midsamà kandan he uuyag.

Deuteronomio 23:14

Su is Nengazen he Megbevayè niw edliǥuyliǥuy ziyà te kampu niw te kedlibri keniyu wey ibeǥey zin diyà te keniyu is menge kuntada niw. Umbe kinahanglan he lumpiyu is kampu niw su para wazè din egkaahà he kenà meupiya, su para kenè kew zin ewai.

Deuteronomio 25:12

ne kinahanglan he edtempezen is belad dutun te vahi ne kenà egkehizuwan.

Deuteronomio 3:3

Umbe, imbeǥey kenitew te Nengazen he Megbevayè tew is hadì te Bashan he si Og wey is langun he menge sundaru zin. Miǥerè tew sikandan ne wazè tew midsamà kandan he uuyag.

Deuteronomio 31:5

Ibeǥey sikandan te Nengazen diyà te keniyu, ne kinahanglan he ebeelan niw ziyà te kandan is langun he insuǥù ku keniyu.

Deuteronomio 33:27

Iyan eputè niw is wazà pidtemanan he Megbevayà; edlig-enan kew zin pinaaǥi te gehem din he wazà pidtemanan. Ibpesegseg din keniyu is menge kuntada niw, ne edsuǥuen kew zin te kedezaat kandan.

Deuteronomio 7:16

Kinahanglan he egeraan niw is langun he menge etew he ibeǥey keniyu te Nengazen he Megbevayè niw. Kenè niw sikandan kehizuwi, wey kenè kew mebpenilbi te kandan he menge ed-ezapen su pekaid heini keniyu.

Deuteronomio 9:3

Piru ǥuntaan egkeehè niw he iyan is Nengazen he Megbevayè niw edhuna edlayun he iring te hapuy he ebpekeepur te menge kuntada. Edaaǥen din sikandan su para melemu zà is kedsegseǥa niw wey kedezeeti niw kandan su iyan heini impenaad te Nengazen keniyu.

Josue 10:28

Dutun he andew, midsakup ni Josue is Makeda. Midhimetayan din is hadì wey is langun he meǥinged dutun. Mibpurung din heini zèdeeti ne wazà nesamà he uuyag. Mibeelan ni Josue ziyà te hadì te Makeda is iring te mibeelan din duen te hadì te Jerico.

Josue 10:30

Imbeǥey zaan te Nengazen kandan heini he inged wey is hadì dutun. Migerè dan is langun he meǥinged kayi, ne wazà nesamà he uuyag. Mibeelan daan ni Josue ziyà te hadì te Libna is iring te mibeelan din duen te hadì te Jerico.

Josue 10:32

Imbeǥey te Nengazen diyà te menge Israilihanen is Lakish diyà te ikezuwa he andew te tebek. Is mibeelan dan iring ded te mibeelan dan diyà te Libna su miǥerè dan is langun he meǥinged dutun.

Josue 10:40

Umbe, naaǥew ni Josue is tivuuk he tanà–is menge vuvungan, is Negev, is menge mibuntud-buntud diyà te edsenlepan, wey is lugtenaan te menge vuvungan. Nezaag din is menge hadì kayi, wazà nesamà he uuyag. Mibpenhimetayan dan is langun sumalà te insuǥù te Nengazen he Megbevayà te Israel.

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Josue 11:8

Mibpengelinteuwan te Nengazen he mezaag te menge Israilihanen haazà is menge kuntada zan. Midal-as dan is menge kuntada zan taman diyà te Zekelà he Sidon wey ziyà te Misrefot Maim, wey taman diyà te Suǥud te Mizpa ziyà te edsilaan, taman te naamin dan mepatey is menge kuntada zan.

Josue 2:14

Ne migkaǥi haazà is dezuwa he meniniid diyà te ki Rahab te, “Iyan igerentiya zey is untung dey! Basta kenè nu idtug-an is kebpeniid dey kayi, kenè dey sikew ebmenuwen emun ibeǥey en te Nengazen kenami heini he tanà.”

Josue 21:44

Ne impemelinew te Nengazen is ked-ubpè dan su wazè dan en mekepekidtebek te menge kuntada zan diyà te peliǥuy, su iyan heini insaad te Nengazen diyà te menge kepuun dan. Wazà sikandan mezaag te menge kuntada zan su impezaag kandan te Nengazen is langun he menge kuntada zan.

Josue 8:24

Hein naamin dan en te edhimatey is langun he menge tig-Ai he midal-as kandan diyà te menge pemuleey wey ziyà te sibsivayan, midlikuan dan sikan is inged ne mibpenhimetayan dan is langun he nesamà dutun.

Josue 9:24

Ne midtavak dan si Josue te, “Mibeelan dey heini tenged te nahandek key he kela ke penhimetayi key keniyu. Su netuenan dey he midsuǥù te Nengazen he Megbevayè nu si Moises he suluǥuen din he ibeǥey ziyà te keniyu heini he menge tanà ne egeraan is langun he meǥinged kayi.

Josue 9:7

Ne midtavak is menge Israilihanen te, “Kela ke uvayè dey zà sikiyu he menge meǥinged. Umbe kenà egkehimu ke ebpekid-uyun key keniyu.”

Zatù 1:24

duen naahà te menge meniniid he sevaha he etew he egawas dutun te inged. Ne migkeǥiyan dan haazà te, “Penurua key ke ebmenmenuwen is kedseled keniyan te inged ne kenè dey sikew ebmenuwen.”

Zatù 1:4

Hein nenurung is tribu ni Juda, ne impezaag kandan te Nengazen is menge Canaanhen wey Pirisihanen. 10,000 he etew is nepatey zan diyà te Bezek. Hien mibpekidtebek dan diyà te Bezek, neingkuwintru zan si Adoni Bezek he hadì dutun he inged.

Zatù 2:2

Migkaǥi a zaan he kenè kew pekid-uyun te menge etew kayi he tanà, kekenà, pemengkaǥa niw is menge pemuhatè dan. Iyan, hengkey is mibeelan niw? Wazà a keniyu pezumdumahi!