Deuteronomio 4:9 - Manobo Western Bukidnon OT

⁹ Piru kinahanglan he mebpekevantey kew! Kenè niw lipati is nengeehè niw he mibpemeelan te Nengazen. Kinahanglan he kenà heini egkaawà diyà te gehinawa niw mintras uuyag kew pa. Tudtula niw heini ziyà te menge anak niw wey ziyà te menge apù niw.

Deuteronomio 4:9 ပူးပေါင်းရင်းမြစ်များ

Deuteronomio 6:7

Layun niw heini ipenurù te menge anak niw. Ilalag niw heini kandan ke ziyè kew te valey wey ke edhipanew kew, ke edhizeǥà kew wey ke ed-enew kew.

Deuteronomio 11:19

Ipenurù niw heini te menge anak niw. Ilalag niw heini kandan ke ziyè kew te valey niw wey ke edhipanew kew, zutun te kedhizeǥè niw wey zutun te ked-enew niw.

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Deuteronomio 32:46

migkaǥi sikandin diyà te menge etew te, “Ipependalid niw ziyà te ǥehinawa niw is langun he migkaǥi ku keniyu ǥuntaan. Ne ipenurù niw zaan heini ziyà te menge anak niw su wey zan mepurungi te edtuman is langun he egkekaǥi kayi he menge suǥù.

Deuteronomio 29:29

“Duen menge in-eles he iyan dà netau zuen is Nengazen he Megbevayè tew, piru impahayag din diyà te kenitew is kesuǥuan din ne kinahanglan he edsunuzen tew heini wey te menge kevuwazan tew te taman te taman.

Erubasa 23:26

Mama, pemineǥa nu purungi is egkeǥiyen ku, ne sunuza nu is menge ulaula ku.

Erubasa 1:8

Mama, pemineǥa nu is sambag ku ne kenè nu iniyuǥi is penurù te ǥinikanan nu.

Salmo 71:18

Ne minsan pa te ebmeǥurang e en su ed-uvanen ad, ne kenà a kenikew pesegdana, Megbevayè ku, zutun te kebpenudtula ku te ǥehem nu wey zesen nu ziyà te huziyan he menge lapis te menge kevuwazan.

Erubasa 3:21

Mama, tipiǥi nu is ketau wey keuluwanen nu. Ne kenè nu heini mehimuwa he maawà diyà te kenikew,

Salmo 119:11

Edtipiǥan ku kayi te ǥehinawa ku is menge lalag nu, su wey a kenà mekesalà diyà te kenikew.

Josue 4:21

Migkeǥiyan ni Josue is menge Israilihanen te, “Keuzemà, emun ed-insaan kew te menge anak niw ke hengkey is kehuluǥan kayi te menge vatu,

Erubasa 7:1

Mama, layun nu tumana is menge lalag ku ne kenè nu lipati is menge suǥù ku.

Isaias 38:19

Iyan dà ebpekezalig kenikew is menge uuyag iring te ebeelan ku ǥuntaan. Is kada lapis te kevuwazan ebpenudtul ziyà te edsunud he lapis te kevuwazan te kebmetinumanen nu.

Deuteronomio 4:23

Piru mebpekevantey kew he kenè niw melipati sikan is paaǥi te Nengazen he Megbevayè niw te kebpekid-uyun keniyu. Kenè kew mebaal te ledawan he ed-ezapen niw pinaaǥi te zagwey te minsan hengkey, su idawey heini te Nengazen he Megbevayè niw.

Deuteronomio 31:19

“Umbe isurat nu heini he kanta ne ipenurù nu ziyà te menge Israilihanen. Ipekanta nu heini kandan su para mehimu heini he tistiǥus ku kuntra kandan.

Josue 1:18

Edhimetayan is minsan hentei he edsupak kenikew wey kenà edtuman te mandù nu. Mebpekelig-en ke zà wey mebpekevurut!”

Deuteronomio 4:15

“Hein nekidlalag keniyu is Nengazen diyà te Buntud he Sinai he ebpuun is laǥeng din diyà te teliwazà te hapuy, ne wazè niw naahà he purma te Nengazen. Umbe mebpekevantey kew,

Exodus 10:2

su wey niw metudtul ziyà te menge anak niw wey menge apù niw is paaǥi te kedsiluti ku te menge Ehiptohanen wey is paaǥi te kebpaahà ku kandan te menge singyal he mibeelan ku, su wey niw metueni he iyan a Nengazen.”

Exodus 23:13

Purungi niw tumana heini is langun he migkaǥi ku keniyu. Kenè kew ampù diyà te zuma he menge ed-ezapen, ne kenè niw hisguti is ngazan dan.”

Deuteronomio 4:10

Tentenuzi niw is andew te kedhitindeg niw ziyà te etuvangan te Nengazen he Megbevayè niw ziyà te Buntud he Sinai he zutun migkaǥi sikandin kayi te kediey te, ‘Tiǥuma nu is menge etew ziyà te etuvangan ku su wey zan mekepemineg te menge lalag ku para mebmetau zan he edtahud kedì, mintras uuyag dan pa, wey para ikepenurù dan heini ziyà te menge anak dan.’

Deuteronomio 6:2

su wey sikiyu wey is menge anak niw wey is menge apù niw, medtahud te Nengazen he Megbevayè niw zutun te kebpengungubpaan niw. Emun edtumanen niw is langun he menge suǥù din wey is menge sulunuzen he imbeǥey ku keniyu, ne edluǥeyazan kew te untung.

Deuteronomio 6:12

mebpekevantey kew he kenè niw melipati is Nengazen he iyan mibpeǥawas keniyu ziyà te Ehipto he zutun kew uripena.

Deuteronomio 6:20

“Dutun te huziyan he timpu, emun ed-insà diyà te keniyu is menge anak niw ke, ‘Hengkey is ibpesavut te menge penurù, menge sulunuzen, wey menge kesuǥuan he inmandù keniyu te Nengazen he Megbevayè tew?’

Deuteronomio 8:11

“Mebpekevantey kew he kenè niw melipati is Nengazen he Megbevayè niw wey kenè niw mesupak is menge suǥù din wey is menge sulunuzen he ibeǥey ku keniyu ǥuntaan.

Deuteronomio 8:14

mebpekevantey kew he kenè kew mekepahambug wey kenè niw melipati is Nengazen he Megbevayè niw he mibpeǥawas keniyu puun te Ehipto he zutun kew pen-uripena.

Deuteronomio 12:1

“Iyan heini menge suǥù wey menge sulunuzen he kinahanglan he ebpurungan niw edtumana zutun te ked-ubpè niw ziyà te tanà he ibeǥey keniyu te Nengazen, he Megbevayè te menge kepuun niw.

Deuteronomio 16:3

Keena niw heini zuma te supas he wazè din tapey. Seled te pitu he andew kaan kew te supas he wazè din tapey iring te mibeelan niw hein egaanggaan kew is egenat puun te Ehipto, keenà niw heini he supas he simbulu te ked-antus niw, su para metenuzi niw seled te tivuuk he untung niw is timpu te kegawas niw puun te Ehipto.

Deuteronomio 17:19

Kinahanglan he edtipiǥan din heini wey layun din ebesaha seled te tivuuk he untung din su para mekeistudyu te kedtahud te Nengazen he Megbevayè din ne egkepurung din egkesunud is langun he menge lalag kayi he menge kesuǥuan wey menge sulunuzen.

Zatù 3:7

Mezaat is mibeelan te menge Israilihanen diyà te etuvangan te Nengazen, su midlipatan dan is Nengazen he Megbevayè dan, ne mid-azap dan is menge ledawan ni Baal wey ni Ashera.

Zatù 8:34

Midlipatan dan is Nengazen he Megbevayè dan he iyan midlibri kandan te kedezeeti kandan te menge kuntada zan diyà te peliǥuy zan.

Jeremias 17:21

Iyan heini migkaǥi te Nengazen: Emun mibpekeveǥat niw is keugelingen niw, kenè kew edterebahu wey ed-uwit te menge velegyè niw zutun te timpu te Andew te Kedhimeley.

Josue 23:11

Umbe, sigureduwa niw he mahal niw is Nengazen he Megbevayè niw.

Isaias 42:20

Mahabet en is neehè niw piru wazè niw seǥipaa. Ebpekezineg kew pezem piru kenè kew ebpemineg.”