Deuteronomio 3:3 - Manobo Western Bukidnon OT

³ Umbe, imbeǥey kenitew te Nengazen he Megbevayè tew is hadì te Bashan he si Og wey is langun he menge sundaru zin. Miǥerè tew sikandan ne wazè tew midsamà kandan he uuyag.

Deuteronomio 3:3 ပူးပေါင်းရင်းမြစ်များ

Salmo 136:20

Midhimetayan din daan si Og, is hadì te Bashan. Wazà pidtemanan te ǥaǥew zin.

Numero 21:35

Umbe, midhimetayan te menge Israilihanen si Og, ragkes is menge anak din wey is langun he menge etew zin, ne wazà nesamà kandan. Ne liwas dutun, mid-angken te menge Israilihanen is tanà he nesakup te midhedian ni Og.

Deuteronomio 29:6

Wazè niw egkekaan dutun, wazè niw vinu etawa zuma he inumen, piru imbeǥey haazà te Nengazen diyà te keniyu su para metueni niw he iyan sikandin Nengazen he Megbevayè niw.

Deuteronomio 3:2

Piru migkaǥi is Nengazen kayi te kedì te, ‘Kenè nu sikandin ikahandek, su ibeǥey ku sikandin kenikew ragkes is langun he sakup din wey is tanè din. Beeli nu ziyà te kandin is iring te mibeelan nu ziyà te ki Sihon te hadì te menge Amorihanen he midhadì diyà te Heshbon.’

Deuteronomio 3:4

Mid-aǥew tew pudu sikan is 60 he menge inged he iyan tivuuk he sakup te Argob he sakup te ginhedian ni Og he hadì diyà te Bashan.

Deuteronomio 4:47

Mid-aǥew eni Moises is tanè din wey is tanà ni Hadì Og he hadì te Bashan. Iyan heini sikandan dezuwa he menge Amorihanen he menge hadì he ziyà te zapit te edsilaan te Jordan.

Josue 13:12

Ragkes daan is tivuuk he ginhedian ni Og, he midhadì diyà te Ashtarot wey ziyà te Edrei. Si Og, ne sevaha te nesamà te menge kevuwazan te menge Ripanhen he midaag ni Moises ne midsegseg din sikandan puun te tanè dan.

Josue 13:30

Puun te Mahanaim, pehendiyà te tivuuk he Bashan, kes tivuuk he ginhedian ni Hadì Og he hadì te Bashan, wey is 60 he menge inged diyà te Jair he sakup te Bashan.