Deuteronomio 27:7 - Manobo Western Bukidnon OT

⁷ Pemuhat kew zaan te pemuhat he para te meupiya he kedepità, ne keena niw haazà dutun, ne medlipey kew ziyà te etuvangan te Nengazen he Megbevayè niw.

Deuteronomio 27:7 ပူးပေါင်းရင်းမြစ်များ

Nehemias 8:10

Migkaǥi pa si Nehemias te, “Silibra kew ne kaan kew te metaam he menge keenen wey inum kew te metaam he inumen. Beǥayi niw is wazè dan egkekaan, su heini he andew segradu para te Nengazen. Ne kenè kew lalew, su is kelipey he ibeǥey te Nengazen ebpekepelig-en keniyu.”

Isaias 12:3

Iring te ebpekeveǥey te kelipey is wahig he meǥenew te egkemezahan, ne egkelipey kew ke edluwasen kew en te Nengazen.

Isaias 61:10

Utew ku igkelipey is Nengazen he Megbevayè ku, su iring te mibistiyan e zin te kelibriyanan wey kezeeǥan duma is ketazeng. Iring a te ebpengesawa he zuen din mekempet he tengkulu wey te ed-esewaan he midsun-ud te menge elahas.

Habakuk 3:18

egkelipey a gihapun su ǥeina te iyan midlibri kedì is Nengazen he Megbevayà.

Deuteronomio 12:12

Ne medlipey kew zutun diyà te etuvangan te Nengazen he Megbevayè niw, duma te menge anak niw, menge suluǥuen niw, wey is menge Levihanen he wazà mekepengevilin te tanà he ebpen-ubpà diyà te inged niw.

Deuteronomio 12:7

Ne ziyè kew egkaan te etuvangan te Nengazen he Megbevayè niw duma is menge pemilya niw, ne igkelipey niw is langun he nepasad niw su midtuvazan kew te Nengazen.

Deuteronomio 16:11

Ne medlipey kew ziyà te etuvangan te Nengazen he Megbevayè niw ziyà te lugar he ebpilien din he zutun sikandin ebeǥayi te zengeg. Silibra kew zuma te menge anak niw, menge suluǥuen niw, menge Levihanen he menge meǥinged diyà te menge inged niw, menge kenà Israilihanen, menge ilu wey menge valu he vahi he menge meǥinged diyà te menge inged niw.

Deuteronomio 16:14

Medlipey kew is edsilibra kayi he pista duma te menge anak niw, menge suluǥuen niw, menge Levihanen, menge kenà Israilihanen, menge ilu wey menge valu he vahi he menge meǥinged diyà te inged niw.

Deuteronomio 27:6

Kinahanglan he kenà egkesepsapan is menge vatu he ebeelan niw he pemuhatà. Ne pemuhat kew kayi te menge pemuhat he edtutungen para te Nengazen he Megbevayè niw.

Deuteronomio 27:8

Kinahanglan he keladu is kedsurata niw kayi te menge kesuǥuan te Megbevayà duen te menge vatu he mibpintalan niw te apug.”