Deuteronomio 26:2 - Manobo Western Bukidnon OT

² itaǥù niw ziyà te revan is egkehuna he egkeraǥun niw. Ne uwita niw heini ziyà te lugar he ebpilien te Nengazen he Megbevayè niw he zutun sikandin ebeǥayi te zengeg.

Deuteronomio 26:2 ပူးပေါင်းရင်းမြစ်များ

2 Hadì 4:42

Duen timpu, ne zuen sevaha he etew he ebpuun diyà te Baal Shalisha ne mid-uwit sikandin diyà te ki Elisha te 20 he supas he iyan mibeelan is nehuna he neraǥun he barli, wey beǥu he neraǥun he trigu. Migkaǥi si Elisha te, “Iveǥey nu heeyan diyà te grupu te menge ebpeneuven su wey zan mekaan.”

2 Cronica 31:5

Hein ingkepehibelu en heini ziyà te menge etew, mibpeketulanged is menge Israilihanen te kebeǥey te egkehuna he vahin te sebpet dan he trigu, binu, lana, teneb, wey te zuma pa he egkekuwa zan diyà te tanà. Imbeǥey zan is ikepulù te langun he pruduktu zan.

2 Cronica 6:6

Piru ǥuntaan, mibpilì ku is Jerusalem he zutun a ebeǥayi te zengeg, wey mibpilì ku si David he edumala te menge etew ku he Israilihanen.’

Nehemias 12:44

Dutun daan he andew, duen menge maama he impezumala te menge budiga he teleǥuey te menge gasa, egkehuna he egkeraǥun, wey ikepulù. Iyan sikandan egkulikta te menge halad he ebpuun diyà te menge vevesukà diyà te nekeelingkus he menge inged ne para haazà te menge memumuhat wey menge Levihanen, sumalà te insuǥù diyà te Kesuǥuan. Su nelipey is menge etew ziyà te Juda te vuluhaten te menge memumuhat wey menge Levihanen.

Nehemias 13:31

Midsiguru ku zaan he sikan is menge idtavun he para te kebpemuhat ne kenà melimpasi is ked-uwita zuen, ragkes is menge egkehuna he egkeraǥun. Ne zutun mid-ampù a, ke siak te, “He Megbevayè ku, tentenuzi a kenikew wey tuvazi a.”

Exodus 20:24

“Baal kew te tanà he pemuhatà he iyan ebpemuhatan niw kediey, ne zutun niw ipemuhat is menge kerehidu niw, menge kambing, wey menge vaka he pemuhat he edtutungen wey pemuhat he para te meupiya he kedepità. Ne veeli niw heini ziyà te lugar he mibpilì ku he zutun a ed-ezapa, ne edhendutun a is ebpenuvadtuvad keniyu.

Exodus 22:29

“Kenè niw lipati is kebeǥey te halad kayi te kedì he ebpuun te neraǥun niw, menge vinu, wey menge lana. “Ipehinungud niw kedì is penganey he anak niw he menge maama.

Exodus 23:16

Silibraha niw zaan is Pista te Kedraǥun pinaaǥi te kedhelaza niw kayi te kediey te egkehuna he menge sebpet niw ziyà te menge bevesukè niw. Ne elin daan silibriha niw is Pista te Tevas emun egkezerengdeng niw en is menge sebpet niw zutun te kegketapus te tuig.

Exodus 23:19

“Uwita niw ziyà te valey te Nengazen he Megbevayè niw is kinemeupiyahan duen te egkehuna he egkeraǥun niw ziyà te tanè niw. “Kenè niw hilutua is nati he kambing te ǥatas te iney zin.

Exodus 34:26

“Uwita niw ziyà te valey te Nengazen he Megbevayè niw is kinemeupiyahan duen te egkehuna he egkeraǥun niw ziyà te tanè niw. “Kenè niw hilutua is nati he kambing te ǥatas te iney zin.”

Jeremias 2:3

Sikiyu is menge Israilihanen insivey kew para kediey. Ne iring kew te nehuna he neraǥun he imbeǥey kayi te kediey. Is menge midaagdaag keniyu, midsilutan ku, ne nengezeetan sikandan. Iyan a, is Nengazen, is migkaǥi kayi.’ ”

Ezekiel 20:40

Su ebpekepenilbi kediey is langun he menge etew te Israel ziyà te segradu he vuvungan ku, he iyan kes metikang he vuvungan diyà te Israel. Dutun edewaten ku sikiyu wey ibpepemuhat ku te nekedseselekawà he menge pemuhat wey te ispisyal he menge gasa.

Ezekiel 44:30

Is kineupiyahan te egkehuna he menge sebpet niw wey is ispisyal he menge gasa kayi te kedì, diyà daan ebpekepevayà te menge memumuhat. Beǥayi niw zaan te kineupiyahan he herina niw is menge memumuhat, su wey metuvazi is pemilya niw.

Ezekiel 48:14

Kinahanglan he kenè dan ivelegyà etawa iliwà is minsan deisey zà he vahin kayi, su iyan heini utew meupiya he tanà wey segradu heini para te Nengazen.

Leviticus 2:12

Egkehimu ke ibpemuhat niw is tapey etawa teneb he iring te kebpemuhata niw te egkehuna he sebpet niw, piru kenà heini ereg he edtutungen diyà te pemuhatà.

Leviticus 2:14

Emun ibpemuhat niw is egkehuna he sebpet niw he iyan gasa he ibeǥey niw ziyà te Nengazen, pemuhat kew te ginaling he menge trigu he midsandag.

Deuteronomio 16:10

Ne zutun silibraha niw is Pista te Kedraǥun te kebeǥey te zengeg diyà te Nengazen he Megbevayè niw pinaaǥi te kineugelingen he menge halad niw sumalà te menge tuvad he nezawat niw puun te Nengazen he Megbevayè niw.

Deuteronomio 18:4

Iveǥey niw zaan diyà te menge memumuhat is egkehuna he vahin te trigu, binu, lana, wey vulvul te kerehidu niw.

Deuteronomio 26:1

“Emun egkaangken niw en sikan is tanà he ibeǥey keniyu te Nengazen he Megbevayè niw wey niw mepengevilin, ne zutun kew en he meǥinged,

Deuteronomio 26:3

Ne hendiyè kew te memumuhat he ebaal te vuluhaten dutun he timpu, ne kaǥi kew ziyà te kandin te, ‘Heini zed is halad ku he tuus te kegkilelaa ku he is Nengazen he Megbevayè tew iyan mid-uwit kedì kayi te tanà he impenangdù din diyà te menge kepuun tew he ibeǥey kenitew.’

Josue 18:1

Ne hein naaǥew en te tivuuk he keet-etawan te Israel haazà is tanà, midtiǥum sikandan is langun diyà te Shilo, ne mibaal sikandan te Tulda he Edtelevukaayan dan.