Deuteronomio 24:4 - Manobo Western Bukidnon OT

⁴ ne kenè en egkehimu ke ed-umanan sikandin ed-esawaa zuen te nehuna he esawa zin su mibmeremerik en sikandin. Emun ed-umanan sikandin ed-esewaa zuen te nehuna he esawa zin ne utew mezaat he vaal is ked-isipa te Nengazen keniyan. Kinahanglan he kenè niw veeli heeyan he salà dutun te ked-ubpè niw zuen te tanà he ibeǥey keniyu te Nengazen he Megbevayè niw he egkepengevilin niw.

Deuteronomio 24:4 ပူးပေါင်းရင်းမြစ်များ

Jeremias 3:1

“Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Deuteronomio 20:16

Piru is menge etew ziyà te menge inged he ibeǥey keniyu te Nengazen he Megbevayè niw su wey niw mepengevilin, geraa niw is langun.

Deuteronomio 24:3

ne edsuwayan en maan sikandin duen te ikezuwa he esawa zin etawa ebpatey haazà is ikezuwa he esawa zin,

Deuteronomio 4:21

“Nepeukan a te Nengazen tenged keniyu, ne utew meheǥet is kegkeǥiyi zin kedì he kenà a ebpekelayun te Jordan ne kenà a ebpekeseled duen te meupiya he tanà he ibeǥey keniyu te Nengazen he Megbevayè niw.