Deuteronomio 24:3 - Manobo Western Bukidnon OT

³ ne edsuwayan en maan sikandin duen te ikezuwa he esawa zin etawa ebpatey haazà is ikezuwa he esawa zin,

Deuteronomio 24:3 ပူးပေါင်းရင်းမြစ်များ

Isaias 50:1

Migkeǥiyan te Nengazen is menge etew zin te, “Inselikwey ku ve is Jerusalem iring te maama he mid-engkezan din is esawa zin? Peǥumbenara niw! Impevihag ku ve sikiyu iring te etew he impeuripen din is anak din diyà te neutangan din su wey mekevayad? Wazà! Nevihag kew tenged te menge salè niw; inselikwey is Jerusalem tenged te menge kedrapas niw.

Jeremias 3:8

Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Deuteronomio 24:1

“Penenglitan, ebpengesawa is sevaha he maama ne te huziyan he timpu naawà is suat din dutun te esawa zin su zuen nesusi zin dutun te esawa zin he wazè din mesuati. Ne tenged dutun mibaal sikandin te surat he para te kebpekidsuwey ne imbeǥey zin haazà dutun te esawa zin, ne impeǥenat din puun te valey zin.

Deuteronomio 24:2

Ne emun ed-uman ebpeesawa haazà is bahi,

Deuteronomio 24:4

ne kenè en egkehimu ke ed-umanan sikandin ed-esawaa zuen te nehuna he esawa zin su mibmeremerik en sikandin. Emun ed-umanan sikandin ed-esewaa zuen te nehuna he esawa zin ne utew mezaat he vaal is ked-isipa te Nengazen keniyan. Kinahanglan he kenè niw veeli heeyan he salà dutun te ked-ubpè niw zuen te tanà he ibeǥey keniyu te Nengazen he Megbevayè niw he egkepengevilin niw.