Deuteronomio 22:7 - Manobo Western Bukidnon OT

⁷ Egkehimu ke egkuwaan niw is menge pispis etawa menge impis, piru kinahanglan he ibpaawè niw is iney, su para mebmeupiya is kebpekesavuk niw wey para mebmeluǥayad is untung niw.

Deuteronomio 22:7 ပူးပေါင်းရင်းမြစ်များ

Erubasa 22:4

Pinaaǥi te kenà kebpelavew te etew wey te kedtehuza zin te Nengazen, egkehimu he egkaangken din is dekelà he ketiǥeyunan, meupiya he zengeg, wey keluǥayad te untung.

Leviticus 22:28

Emun ebpemuhat kew te vaka etawa kerehidu, ne kenè niw iredsà kandan is nati zan dutun te iyan ded he andew.

Deuteronomio 22:8

“Emun ebevaley kew, kinahanglan he edteuzan niw te alang is ebpekeliǥuy zuen te patag he atep niw, su para wazè niw televaken emun duen ebpatey he egkeulug puun te atep niw.

Deuteronomio 4:40

Tumana niw is menge suǥù din wey is menge sulunuzen he ibeǥey ku guntaan diyà te keniyu, su para wazà mezaat he egkehitavù keniyu wey te menge kevuwazan niw, wey para mebmeluǥayad is untung niw zuen te tanà he ibeǥey keniyu te Nengazen he Megbevayè niw he egkaangken niw taman te taman.”

Deuteronomio 5:33

Pengungubpaan kew he sungkad te insuǥù te Nengazen he Megbevayè niw keniyu, su para edluǥeyazan kew te untung wey mebmeuswaǥen kew zuen te tanà he ed-engkenen niw.