Deuteronomio 22:1 - Manobo Western Bukidnon OT

¹ “Emun egkeehè niw he ebpekaawà is baka etawa kerehidu te zuma niw, ne kenè niw heini vey-ani kekenà, uwita niw ziyà te teǥiǥaked.

Deuteronomio 22:1 ပူးပေါင်းရင်းမြစ်များ

Erubasa 24:11

Kenè ka peneǥana te kedlibri te menge etew he wazà salà he midsintinsiyahan he edhimetayan.

Erubasa 27:10

Kenè nu lipati is emiǥu nu wey is emiǥu te amey nu. Ne emun ebpekebmereǥen ka, kenè nu iyan peleleǥuya is suled nu he nekeziyù kenikew, su tuwas pa he ebpeketavang kenikew is siringan nu, kenà is suled nu he nekeziyù kenikew.

Erubasa 28:27

Is etew he edtelewizen din is pubri kenà egkeeminan te minsan hengkey he kinahanglan din, iyan, is etew he kenè din en ebeliyen is menge pubri ebpenrewakan sikandin.

Isaias 58:7

Beǥayi niw te keenen is egkengevitil, ipeubpè niw ziyà te menge valey niw is menge wazà egkeubpaan, bistiyi niw is menge wazà bisti, wey tevangi niw is menge kezuzumahi niw he ebpenginahanglan.

Isaias 8:17

Ebperateng a ziyà te Nengazen minsan pà te mid-iniyuǥan din is menge kevuwazan ni Jacob. Edsarig a ziyà te kandin.

Ezekiel 34:16

Ebpen-ahaan ku sikan is nengetazin wey nengetazintazin. Ebukusan ku is menge pelien wey edlig-enan ku is memeluya. Piru edèdeetan ku is memelambù wey memeupiya is kedlelawa. Ebeelan ku ziyà te kandan ke hengkey is hustu he kukuman.

Ezekiel 34:4

Wazè niw elimahi para mebmezesen is menge meluya kandan. Wazè niw tembari is menge nezeruwan, wazè niw vukusi is palì dan. Wazè niw pen-ahaa is menge netazintazin wey netazin. Kekenà, mibpurung niw sikandan ruuǥa.

Leviticus 6:3

etawa midtarùtarù mehitenged te vutang he netazin he migkaǥi zin he wazè din maahà, etawa nengulivet te tarù he wazè din meveeli is minsan hendei kayi he menge salà.

Zacarias 7:9

“Iyan heini migkaǥi ku ziyà te menge etew ku: ‘Iveǥey niw is metazeng he kukuman. Ipeehè niw is keupiya niw wey kebpekedhihizuwè niw.

Deuteronomio 22:2

Piru emun meziyù is ed-ubpaan te teǥiǥaked etawa wazè niw mekilala is teǥiǥaked, uwita niw ziyà te keniyu haazà is uyaǥen ne taǥad kew te kebpekeuma te teǥiǥaked he ebpen-ahà duen. Ne iveǥey niw heini ziyà te kandin.