Deuteronomio 2:9 - Manobo Western Bukidnon OT

⁹ migkaǥi is Nengazen kayi te kedì te, ‘Kenè niw semuka wey tebeka is menge Moabitanhen he menge kevuwazan ni Lot, su imbeǥey ku kandan is tanà he Ar ne kandan haazà, ne kenè ku sikiyu ebeǥayan te tanè dan minsan deisey.’ ”

Deuteronomio 2:9 ပူးပေါင်းရင်းမြစ်များ

2 Cronica 20:10

“Ne ǥuntaan edsurungen key te menge etew he ebpuun te Ammon, Moab, wey Buntud he Seir. Dengan ne wazè nu ituǥut haazà is ubpeey zan he edsekupen te menge Israilihanen hein nekeǥawas dan diyà te Ehipto. Midlevayan dà heini te menge Israilihanen ne wazè dan sikandan penhimetayi.

Salmo 83:8

Midtavang daan kandan is Asiria he mezesen he tumetavang te menge kevuwazan ni Lot.

Isaias 15:1

Heini he menge lalag ne mehitenged te Moab: Seled dà te sengekezukileman ne egkevengkag en is menge inged he Ar wey Kir he sakup te Moab.

Numero 21:15

wey is alug te menge zal-ug he ebpeketemu ziyà te inged he Ar he ziyà te dulunà te Moab.

Numero 22:4

Migkaǥi is menge Moabitanhen diyà te menge perezumala ziyà te Midian te, “Ed-eminen kiw kayi te mahabet he menge etew he henduen be te vaka he ed-eminen dan edtebtava is menge sagbet.” Umbe, si Balak he anak ni Zipor, he iyan hadì diyà te Moab dutun he timpu,

Deuteronomio 2:29

Iring te kedtuǥuti kenami te menge kevuwazan ni Esau he menge meǥinged diyà te Seir wey te menge Moabitanhen he menge meǥinged diyà te Ar. Tuǥuti key te kebayà taman te ebpekelayun key te Wahig he Jordan pehendiyà te tanà he ibeǥey kenami te Nengazen he Megbevayè dey.’

Deuteronomio 2:5

ne kenè niw sikandan surunga. Su ibeǥey ku kandan is menge vuvungan diyà te Seir he kandan he tanà, ne kenè ku sikiyu ebeǥayan te minsan deisey zutun te tanè dan.

Zatù 11:15

su wey zan mekaǥi heini he menge lalag, “Wazè eǥawa te menge Israilihanen is tanà diyà te Moab etawa tanà diyà te Ammon.

Zatù 11:17

Ne zuen midsuǥù dan he impehendiyà te hadì te Edom su edhangyù dan he ipevayà sikandan diyà te Edom, iyan, wazà sikandan tuǥuti. Ne iring din ded daan dutun is mid-ulaula te hadì diyà te Moab diyà te kandan. Umbe malù neuǥet is ked-ubpèubpè dan diyà te Kadesh.

Zatù 11:18

“Dutun te huziyan he timpu, midlaus sikandan medhipanew ziyà te sibsivayan. Midliǥuy sikandan diyà te Edom wey Moab taman te nekeuma sikandan diyà te zapit te edsilaan he vahin te Moab he veyvey te Wahig he Arnon. Dutun sikandan megkampu, iyan, wazà sikandan medlayun te Arnon su dulunà haazà te Moab.