Deuteronomio 2:4 - Manobo Western Bukidnon OT

⁴ Keǥiyi nu is menge etew te, “Ebpekevayè kew ziyà te tanà te menge kezuzumahi niw he menge kevuwazan ni Esau, he ziyà ebpemen-ubpà te Seir. Egkahandek sikandan keniyu, piru mebpekevantey kew kandan,

Deuteronomio 2:4 ပူးပေါင်းရင်းမြစ်များ

Genesis 25:23

“Iyan heeyan ebpuunan is dezuwa he vatà he keniyan te getek nu te zezuwa he nasyun. Ne heini is dezuwa he grupu te menge etew ne ebpekuntedehey. Mezesen haazà is sevaha kenà haazà is duma zin. Is kakey egkehimu he suluǥuen te hazi zin.”

Genesis 36:8

Umbe, si Esau (he egngenazan daan ki Edom) diyà med-ubpà te menge vuvungan he Seir.

Exodus 15:15

Is menge pengulu te Edom wey Moab, egkeheratan utew te kegkahandek, ne is pengulu ziyà te Canaan, ne edliyasen te kegkahandek.

Exodus 15:16

“Uya, utew sikandan egkulbai. Pinaaǥi te ǥehem nu ebpeketireneb sikandan iring te vatu, taman te nekesaǥad en is menge etew he midlibri nu.

Deuteronomio 2:3

‘Neuǥet en is kebpekeriǥuriǥu niw kayi te vuvungan. Guntaan hendiyè kew en te zizaya.

Deuteronomio 23:7

“Kenè niw keepesi is menge Edomanhen, su kezuzumahi niw sikandan. Kenè niw zaan keepesi is menge Ehiptohanen, su nekeubpè kew ziyà te tanè dan hein lumelengyawè kew.