Deuteronomio 19:6 - Manobo Western Bukidnon OT

⁶ Emun sebsevaha zà is inged he eputà, kela ke meziyù diyà te etew he nekepatey, ne egkeseutan sikandin te edal-as kandin he ebpenimales, ne egkepatey sikandin. Kenà sikandin ereg he edhimetayan su wazè din tivevaa is kebpekepatey zin wey wazà igkepeuki zin dutun te nepatey zin.

Deuteronomio 19:6 ပူးပေါင်းရင်းမြစ်များ

Numero 35:12

Ne egkedipinsahan sikandin dutun he menge inged wey kenà mepatey te egkesuat he ebales kandin. Kenà sikandin ereg he edhimetayan dutun te wazè pa sikandin mekeetuvang te kezekelan su wey mehukumi.

2 Samuel 14:7

Ne zutun nemenhendiyà is langun he menge kezuzumahi ku he egkaǥi te, ‘Iveǥey nu kenami heeyan is anak nu, su edhimetayan dey sikandin su midhimetayan din is suled din. Kenà engayan sikandin he ebpengevilin te ketiǥeyunan te amey zin.’ Emun ebeelan dan heini, egkaawà kayi te kedì is nesamà he anak ku he iyan dà edseriǥan ku he ebpekeuǥup kedì, wey egketazin en is ngazan te esawa ku kayi te kelibutan.”

Josue 20:5

Ne emun ebpekeuma zutun te inged is edal-as kandin he egkesuat he ebales kandin, kinahanglan he kenà sikandin iveǥey te menge meǥinged dutun su wazè din tivevaa is kegkepetaya zin te zuma zin, wey kenà daan heini tenged te kegkepauk din.

Deuteronomio 21:22

“Emun midsilutan is etew te kemetayen tenged te meveǥat he salà he nehimu zin, ne imbitey ziyà te kayu is lawa zin,

Deuteronomio 19:5

“Penenglitan, mibpezumahà is dezuwa he telesiringan diyà te ketelunan su ebpengayu zan. Ne te kebpiley te kayu te sevaha kandan ne nepesuk is wasey zin, ne ziyà haazà meketimbag te zuma zin, ne impatey zin haazà. Ne egkehimu ke ebpelaǥuy sikandin diyà te sevaha kayi te menge inged he eputà ne wazà edhilavet kandin.

Deuteronomio 19:7

Iyan heini hinungdan ke maan is idsuǥù ku keniyu is kebpilì te tetelu he inged he eputà.