Deuteronomio 15:9 - Manobo Western Bukidnon OT

⁹ Kenè kew med-isip te selakew, kenè niw isipa he tenged te hapit en egkeuma is ikepitu he tuig, he iyan kes tuig he kenè en edsukuten is utang ne kenè kew en ebpeutang te pubri he zuma niw he meǥinged. Su emun edangep heini is pubri ziyà te Nengazen tenged te kebeeli niw zutun ne zuen niw televaken.

Deuteronomio 15:9 ပူးပေါင်းရင်းမြစ်များ

Job 34:28

Edèdaaǥen dan is menge pubri, ne nezineg te Megbevayà is kebuyù dan te tavang.

Salmo 101:3

Ne kenè ku ebpesegdanen is kebpedayun te kelelalung. Utew ku igkeepes is menge ulaula te menge etew he ed-iniyug te Megbevayà, ne kenè ku ebeelan is iring keniyan.

Salmo 12:5

Migkaǥi is Nengazen te, “Edtevangan ku is menge egkaayuayu su edèdaaǥen sikandan, ne utew subra is kebpekeantus dan. Egkelesaǥan ku sikandan su iyan heini ebperetengen dan.”

Salmo 9:12

Ebelesan din is ebpemendaagdaag, su edseǥipaan din is kebpekitavang te menge dinaagdaag.

Exodus 22:22

“Kenè niw dèdaaǥa is balu he vahi etawa ilu he vatà.

Exodus 22:23

Emun ebeelan niw heini, ne ebpengemuyù sikandan kayi te kedì ne siguradu ebpemineǥen ku is pengemuyù dan.

Exodus 3:7

Migkaǥi is Nengazen te, “Neehè ku is kemereǥenan te menge etew ku ziyà te Ehipto. Nezineg ku is kebuyù dan te tavang tenged te kebpesipelahi kandan te menge edumala kandan te edterebahu, ne edtevangan ku su egkehizuwan ku sikandan.

Erubasa 14:21

Is etew he edsudì te zuma zin, ne ebpekesalà, iyan, utew zeyzey is etew he metinevangen te kinahanglan he edtevangan.

Erubasa 21:13

Emun kenè ta idtetepian is egkengeayuayu he ebpekitavang kenita, ne kenè ki zaan idtetepian emun iyan ki ebpekitavang.

Erubasa 23:6

Kenè ka megkaan etawa meima te keenen te etew he kuriput, minsan meupiya pa heini.

Erubasa 24:9

Salà is minsan hengkey he pelanu te etew he tulebung, ne egkeepesan te menge etew is ked-undaunda.

Erubasa 28:22

Is etew he legezen, eggègaanen din is kedsepian din, iyan, wazè din metueni he iyan edtaǥad kandin is kewewezai.

Erubasa 4:23

Purungi nu pekeventayi is diyà te isip nu, su ke hengkey is ed-is-isipen nu, iyan daan egkeveelan nu.

Jeremias 17:10

Iyan a, is Nengazen, netau a te gehinawa wey isip te etew. Ebelesan ku is etew sumalà te vetasan din wey menge ulaula zin.

Jeremias 34:14

‘Kada pitu he tuig kinahanglan he ebeǥayan niw te vayàbayà is duma niw he Hebriyuhanen he imbelegyà diyà te keniyu su wey niw meuripen. Emun ebpekepenilbi en sikandin diyà te keniyu te heenem he tuig, kinahanglan he ebeǥayan niw sikandin te vayàbayà.’ Piru wazà mebpezumazuma kedì is menge kepuun niw mehitenged kayi.

Deuteronomio 15:1

“Ketepusan te kada ikepitu he tuig, kinahanglan he kenè niw en edsukuten is langun he utang diyà te keniyu.

Deuteronomio 24:15

Beyazi niw sikandin te inandew he suwildu zin te kenè pa edsanlep is andew su pubri sikandin ne iyan midseriǥan din is suwildu zin. Su emun kenà, ne kela ke medsumbung sikandin diyà te Nengazen, ne ed-isipen heini he salè nu.

Deuteronomio 31:10

Ne mibmenduan sikandan ni Moises te, “Dutun te kegketapus te kada pitu he tuig he iyan kes tuig te Kebeǥey te Bayàbayà wey Ked-ulì, ne zutun te timpu te Pista te Kebaal te menge Lawig,