Deuteronomio 15:6 - Manobo Western Bukidnon OT

⁶ Edtuvazan kew te Nengazen he Megbevayè niw sumalà te impenaad din keniyu. Mahabet he menge nasyun is ebpekepenambey ziyà te keniyu ne kenè kew mulà ebpekepenambey. Iyan kew edumala te zuma he menge nasyun ne kenè dan mulà ebpekezumala keniyu.

Deuteronomio 15:6 ပူးပေါင်းရင်းမြစ်များ

1 Hadì 4:21

Si Solomon is midumala te langun he ginhedian puun te Wahig he Eufrates pehendiyà te tanà te menge Filistihanen taman te dulunà te Ehipto. Heini he menge ginhedian ebayad te vuhis dan diyà te ki Solomon ne mibpesakup kandin dutun te uuyag pa sikandin.

1 Hadì 4:24

Nesakup te ginhedian ni Solomon is tivuuk he tanà diyà dapit te edsenlepan te Wahig he Eufrates, puun te Tifsa taman te Gaza. Ne meupiya is kedepitè din diyà te langun he menge nasyun he nekeelingkus kandin.

1 Cronica 17:27

Ne ǥuntaan ingkelipey nu is kedtuvazi nu te pemilya ku para mekepedayun heini taman te wazà ketepusan diyà te etuvangan nu. Emun edtuvad ka Nengazen, is kedtuvad nu wazà pidtemanan.”

2 Cronica 9:26

Midsakup din is langun he hadì he ebpuun te Wahig te Eufrates taman te tanà te menge Filistihanen wey te dulunà te Ehipto.

Ezra 4:20

Netuenan ku zaan pinaaǥi te menge surat he midumala is Jerusalem te mekeǥeǥehem he menge hadì he midhadì te tivuuk he prubinsya ziyan layun te Eufrates ne mibayad heini he prubinsya ziyà te kandan te vuhis wey zuma pa he menge veleyazan.

Nehemias 9:27

Umbe, imbeǥey nu sikandan diyà te menge kuntada zan he midlisedlised kandan. Piru hein edlislisezen en sikandan mibuyù dan diyà te kenikew te tavang, ne mibpemineg nu ǥihapun sikandin diyà te langit. Ne tenged te zekelà he hizu nu kandan, mibeǥayan nu sikandan te menge pengulu he ebpekepeǥawas kandan puun te ǥehem te menge kuntada zan.

Salmo 112:5

Edtuvazan is etew he kelelaǥan, wey ibpesambey zin is duma, wey kenè din ibpeiseg is kegketiǥayun din pinaaǥi te limbung.

Salmo 37:21

Is lalung he menge etew ne emun ed-utang ne kenà ebayad. Ne kelelaǥan mulà is menge metazeng.

Salmo 37:26

Layun pa sikandan ebpekepememeǥey wey ebpekepesambey, ne is menge anak dan nehimu he tuvad diyà te zuma he menge etew.

Erubasa 22:7

Is menge egkengaayuayu ne egkeveyveyaan te menge sepian, ne is menge ebpengutang uripen te menge neutangan dan.

Deuteronomio 15:5

Iyan heeyan egkeulaula emun ebpezumdumahan niw is Nengazen he Megbevayè niw wey ebpurungan niw edsunuza is langun he menge suǥù he ibeǥey ku keniyu ǥuntaan.

Deuteronomio 28:44

Iyan sikandan ebpekepeutang keniyu ne kenè kew iyan ebpekepeutang kandan. Iyan sikandan ebpekepengulu ne sikiyu mulà menge sumusunud kew zà.