Deuteronomio 15:5 - Manobo Western Bukidnon OT

⁵ Iyan heeyan egkeulaula emun ebpezumdumahan niw is Nengazen he Megbevayè niw wey ebpurungan niw edsunuza is langun he menge suǥù he ibeǥey ku keniyu ǥuntaan.

Deuteronomio 15:5 ပူးပေါင်းရင်းမြစ်များ

Salmo 19:11

Pinaaǥi kayi, Nengazen, egkeleǥuyan a is suluǥuen nu. Ne emun edtumanen ku heini ne mahabet is keupiyaanan he egkekuwa ku.

Deuteronomio 15:4

“Ereg he wazà pubri keniyu, su edtuvazan kew te Nengazen he Megbevayè niw zuen te tanà he ibeǥey zin keniyu wey niw maangken.

Deuteronomio 15:6

Edtuvazan kew te Nengazen he Megbevayè niw sumalà te impenaad din keniyu. Mahabet he menge nasyun is ebpekepenambey ziyà te keniyu ne kenè kew mulà ebpekepenambey. Iyan kew edumala te zuma he menge nasyun ne kenè dan mulà ebpekezumala keniyu.

Deuteronomio 26:14

Wazè ku heini keena zutun te timpu te kedlalew ku; wazè ku heini kevuta hein ed-isipen a he meremerik; wey wazè ku heini ipemuhat diyà te minatey. He Nengazen he Megbevayè ku, mibpezumazuma a kenikew. Mibeelan ku is langun he insuǥù nu kenami.

Deuteronomio 4:9

Piru kinahanglan he mebpekevantey kew! Kenè niw lipati is nengeehè niw he mibpemeelan te Nengazen. Kinahanglan he kenà heini egkaawà diyà te gehinawa niw mintras uuyag kew pa. Tudtula niw heini ziyà te menge anak niw wey ziyà te menge apù niw.

Deuteronomio 6:2

su wey sikiyu wey is menge anak niw wey is menge apù niw, medtahud te Nengazen he Megbevayè niw zutun te kebpengungubpaan niw. Emun edtumanen niw is langun he menge suǥù din wey is menge sulunuzen he imbeǥey ku keniyu, ne edluǥeyazan kew te untung.

Josue 1:7

Basta mebpekelig-en ka wey mebpekevurut ka utew. Purungi nu sunuza is langun he kesuǥuan he imbeǥey kenikew ni Moises te suluǥuen ku. Kenè nu heini engkezi, su para medlampus ka te langun he ebeelan nu.