Deuteronomio 15:4 - Manobo Western Bukidnon OT

⁴ “Ereg he wazà pubri keniyu, su edtuvazan kew te Nengazen he Megbevayè niw zuen te tanà he ibeǥey zin keniyu wey niw maangken.

Deuteronomio 15:4 ပူးပေါင်းရင်းမြစ်များ

Erubasa 14:21

Is etew he edsudì te zuma zin, ne ebpekesalà, iyan, utew zeyzey is etew he metinevangen te kinahanglan he edtevangan.

Erubasa 28:27

Is etew he edtelewizen din is pubri kenà egkeeminan te minsan hengkey he kinahanglan din, iyan, is etew he kenè din en ebeliyen is menge pubri ebpenrewakan sikandin.

Deuteronomio 14:29

Ne iveǥey niw heini ziyà te menge Levihanen (he wazà tanà he nepengevilin), diyà te kenà menge Israilihanen, diyà te menge ilu wey menge valu he vahi he ebpemen-ubpà diyà te menge inged niw su para mekekaan daan sikandan su wey zan mengahantey. Emun ed-ul-ulahan niw heini, edtuvazan kew te Nengazen he Megbevayè niw ziyà te langun he ebeelan niw.

Deuteronomio 15:5

Iyan heeyan egkeulaula emun ebpezumdumahan niw is Nengazen he Megbevayè niw wey ebpurungan niw edsunuza is langun he menge suǥù he ibeǥey ku keniyu ǥuntaan.

Deuteronomio 28:11

Edtuvazan kew te Nengazen diyà te tanà he impenaad din diyà te menge kepuun niw he ibeǥey zin keniyu. Ibpemahabet din is menge anak niw, is menge uyaǥen niw, wey is menge abut niw.

Deuteronomio 3:18

“Dutun he timpu mibmenduan ku is menge tribu niw he ziyà ebpen-ubpà te zapit te edsilaan te Wahig he Jordan, he ke siak te, ‘Minsan imbeǥey en heini he tanà diyà te keniyu te Nengazen he Megbevayè niw su wey niw maangken, kinahanglan gihapun he edlayun te Wahig he Jordan is langun he menge sundaru niw he egkeǥumeenan su wey zan megiyahi is duma niw he menge Israilihanen te kebpekidtebek.

Deuteronomio 4:21

“Nepeukan a te Nengazen tenged keniyu, ne utew meheǥet is kegkeǥiyi zin kedì he kenà a ebpekelayun te Jordan ne kenà a ebpekeseled duen te meupiya he tanà he ibeǥey keniyu te Nengazen he Megbevayè niw.