Deuteronomio 15:13 - Manobo Western Bukidnon OT

¹³ Ne emun ibpeǥawas nu en sikandin, ne kenè nu sikandin ipeǥenat he wazè din uwiten.

Deuteronomio 15:13 ပူးပေါင်းရင်းမြစ်များ

Malakias 3:5

Migkaǥi is Nengazen he Mekeǥeǥehem te, “Edhendiyà a te keniyu su edhukum a. Segugunè ku ibpetueni is menge salà te menge veyilan, menge mengungumpadi, menge ebpenistiǥus te tarù, menge egalen he ebpenlimbung, menge ebpemintahà te menge valu he vahi wey menge ilu, wey menge lumelengyawà, wey is menge wazè dan kedtahud kedì.”

Jeremias 22:13

Mekehizuhizu ka, Hadì Jehoyakim, is mibpevangun te turuǥan nu pinaaǥi te kenà metazeng he paaǥi. Impeterebahu nu is iring nu he etew he wazè nu veyazi.

Exodus 3:21

Ne ebpengelinteuwan ku he megkelelaǥan is menge Ehiptohanen diyà te keniyu su para zuen niw egkeuwit dutun te kegenat niw.

Genesis 31:42

Emun buwa wazà a tevangi te Megbevayà te amey ku he si Isaac, kes Megbevayà ni Abraham, kela ke midsegseg e en kenikew he wazà uwiten he minsan hengkey. Piru naahà te Megbevayà is kedhaǥù ku wey kedterebahu ku, umbe midawey ke zin geina he mezukilem.”

Deuteronomio 15:12

“Emun duen duma nu he Hebriyuhanen, maama man etawa vahi, he ebpeuripen kenikew, ne ebpekepenilbi en sikandin kenikew seled te heenem he tuig, ne zutun te ikepitu he tuig kinahanglan he ipeǥawas nu en sikandin te kegkeuripena nu kandin.

Deuteronomio 15:14

Tulengezi nu sikandin, beǥayi nu te menge uyaǥen, trigu, wey vinu, sumalà is kedtuvazi kenikew te Nengazen he Megbevayè nu.