Deuteronomio 15:1 - Manobo Western Bukidnon OT

¹ “Ketepusan te kada ikepitu he tuig, kinahanglan he kenè niw en edsukuten is langun he utang diyà te keniyu.

Deuteronomio 15:1 ပူးပေါင်းရင်းမြစ်များ

Nehemias 10:31

Midsaad key zaan he emun ebelegyà heini is kenà menge Israilihanen te trigu etawa minsan hengkey he klasi te velegyà, dutun te Andew te Kedhimeley etawa zuma he segradu he andew, ne kenè dey ebpemesahan. Kada ikepitu he tuig, ne kenè dey ebpemulaan is tanè dey, wey kenè dey edsukuten is utang te zuma.

Exodus 21:2

“Emun duen ebpemasa te uripen he Hebriyuhanen, kinahanglan he seled dà te heenem he tuig is kebpesilbiya zin dutun diyà te kandin. Ne zutun te ikepitu he tuig, kinahanglan he ed-engkezan din en te ed-uripen, ne kenè en ibpevayad te minsan hengkey.

Jeremias 34:14

‘Kada pitu he tuig kinahanglan he ebeǥayan niw te vayàbayà is duma niw he Hebriyuhanen he imbelegyà diyà te keniyu su wey niw meuripen. Emun ebpekepenilbi en sikandin diyà te keniyu te heenem he tuig, kinahanglan he ebeǥayan niw sikandin te vayàbayà.’ Piru wazà mebpezumazuma kedì is menge kepuun niw mehitenged kayi.

Deuteronomio 15:2

Iyan heini veeli niw: kinahanglan he kenè en edsukuten te mibpeutang is utang te zuma zin he Israilihanen. Kenè din en edsukuten su neume en is timpu he midtelaan te Nengazen te ked-ewaa te menge utang.

Deuteronomio 15:9

Kenè kew med-isip te selakew, kenè niw isipa he tenged te hapit en egkeuma is ikepitu he tuig, he iyan kes tuig he kenè en edsukuten is utang ne kenè kew en ebpeutang te pubri he zuma niw he meǥinged. Su emun edangep heini is pubri ziyà te Nengazen tenged te kebeeli niw zutun ne zuen niw televaken.

Deuteronomio 31:10

Ne mibmenduan sikandan ni Moises te, “Dutun te kegketapus te kada pitu he tuig he iyan kes tuig te Kebeǥey te Bayàbayà wey Ked-ulì, ne zutun te timpu te Pista te Kebaal te menge Lawig,