Deuteronomio 13:3 - Manobo Western Bukidnon OT

³ kenè kew pemineg kandin. Egezaman kew zà te Nengazen he Megbevayè niw ke mahal niw ve sikandin diyà te tivuuk he gehinawa niw wey kedsavut niw.

Deuteronomio 13:3 ပူးပေါင်းရင်းမြစ်များ

1 Hadì 13:19

Umbe, miduma kandin diyà te valey zin haazà is suluǥuen te Megbevayà ne migkaan wey mid-inum sikandin dutun.

Salmo 119:2

Utew zeyzey is menge etew he edsunud te menge penurù te Megbevayà, ne ebpezumazuma kandin te kebpezumazuma he ebpuun diyà te tivuuk he ǥehinawa zan.

Salmo 66:10

He Megbevayà, iyan tutuu is migezaman key kenikew; midhimu key kenikew he lunsey iring te pelata he midlunsey pinaaǥi te hapuy.

Salmo 81:7

Hein egkereǥenan kew mid-umew a keniyu ne midlibri ku sikiyu. Ne ziyà te mid-elesan ku he kivel midtavak ku is umew niw. Ne migezaman ku sikiyu ziyà te serebseb te Meriba.

Exodus 20:20

Ne migkeǥiyan sikandan ni Moises te, “Kenè kew mahandek su ibpeehè dà keniyu te Megbevayà is mekahandekhandek he ǥehem din su wey kew meteǥui te zekelà he kedtahud kandin, su para kenè kew mekesalà.”

Isaias 8:20

Kinahanglan he is kesuǥuan wey penurù te Nengazen ne iyan niw ebpemineǥen. Emun duen menge etew he egkaǥi te supak te menge penurù te Nengazen, heeyan he menge etew wazà meteyawi is isip dan.

Deuteronomio 6:5

Mahala niw is Nengazen he Megbevayè niw ziyà te tivuuk he ǥehinawa niw, kedsavut niw, wey te tivuuk he zesen niw.

Deuteronomio 8:16

Diyà te sibsivayan, ebeǥayan kew zin te ‘manna’–keenen he wazà hanew zuen te menge kepuun niw. Midhimu heini te Nengazen para kenè kew mekepelavew wey te kegezam keniyu su wey mebmeupiya is kebpekesavuk niw te huziyan he timpu.

Deuteronomio 8:2

Tentenuzi niw ke mibmenumenu te Nengazen he Megbevayè niw is kegiyahi zin keniyu zuen te hipanew niw ziyà te sibsivayan seled te 40 he tuig. Midhimu zin heini su para kenè kew mekepelavew, wey te kegezam keniyu su para metueni ke hengkey is netaǥù diyà te ǥehinawa niw, ke edtumanen niw ve is menge suǥù din etawa kenà.

Zatù 2:22

Egemiten ku heini he menge etew te kegezam te menge Israilihanen ke edtumanen dan be is menge suǥù ku, iring te mibeelan te menge kepuun dan.”

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.