Deuteronomio 11:4 - Manobo Western Bukidnon OT

⁴ Wazè dan maahà sikan is midhimu te Nengazen diyà te Ehiptohanen he menge sundaru wey ziyà te menge kudè dan wey menge kerwahi zan, wazè dan maahà ke mibmenumenu te Nengazen is kedleneza zin kandan diyà te Zaǥat he Meriǥà hein edel-asen kew zan. Mibpendezeetan din sikandan ne wazè en sikandan guntaan!

Deuteronomio 11:4 ပူးပေါင်းရင်းမြစ်များ

Salmo 106:11

Ne nekedlikuey is wahig ne nengelened is menge kuntada zan ne wazà minsan sevaha he nelibri kandan.

Exodus 15:19

Midlened te Nengazen is menge kudà te hadì te Ehipto wey is menge kerwahi wey is menge pereuntud te kudà dutun te kebpekerapes te menge Israilihanen duen te memaza he tanà duen te teliwazà te zaǥat.

Exodus 15:4

Midlened din diyà te zaǥat is menge kerwahi wey is menge sundaru te hadì te Ehipto. Nengelened diyà te Zaǥat he Meriǥà sikan is egkengeseriǥan he menge upisyal te hadì.

Deuteronomio 1:40

Ne sikiyu, likù kew ziyà te sibsivayan pehendiyà te Zaǥat he Meriǥà.’

Deuteronomio 11:5

Wazà maahà te menge anak niw is mibeelan te Nengazen diyà te keniyu hein diyè kew te sibsivayan taman te kebpekeuma niw kayi he lugar.

Deuteronomio 2:1

“Ne zutun midlikù kiw ziyà te sibsivayan pehendiyà te Zaǥat he Meriǥà, su iyan haazà insuǥù te Nengazen kedì. Ne neuǥet he timpu is kebpekeriǥuriǥu tew ziyà te menge vuvungan he Seir.