Deuteronomio 11:3 - Manobo Western Bukidnon OT

³ wey te egkengein-inuwan he mibpemeelan din diyà te Ehipto kuntra te Faraon he hadì te Ehipto wey te tivuuk he nasyun.

Deuteronomio 11:3 ပူးပေါင်းရင်းမြစ်များ

Salmo 135:9

Diyà te Ehipto, mibaal sikandin te menge singyal wey menge egkein-inuwan he menge vaal te kedsilut te hadì te Ehipto wey is langun he menge upisyal zin.

Exodus 7:8

Migkeǥiyan te Nengazen si Moises wey si Aaron te,

Deuteronomio 1:30

Su is Nengazen he Megbevayè niw, edhuna keniyu ne iyan sikandin ebpekidtebek para keniyu, iring te neehè niw he mibeelan din diyà te Ehipto

Deuteronomio 11:4

Wazè dan maahà sikan is midhimu te Nengazen diyà te Ehiptohanen he menge sundaru wey ziyà te menge kudè dan wey menge kerwahi zan, wazè dan maahà ke mibmenumenu te Nengazen is kedleneza zin kandan diyà te Zaǥat he Meriǥà hein edel-asen kew zan. Mibpendezeetan din sikandan ne wazè en sikandan guntaan!

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

Deuteronomio 7:19

Iyan kew mismu nekesaksi te zekelà he penggezam, egkein-inuwan he menge hitavù, wey is dekelà he ǥehem he migamit te Nengazen he Megbevayè niw te kebpeǥawas keniyu. Ne iring ded dutun is ebeelan te Nengazen he Megbevayè niw ziyà te langun he menge etew he igkahandek niw.