Deuteronomio 11:2 - Manobo Western Bukidnon OT

² Tentenuzi niw ǥuntaan is nengeseǥazan niw he kebmansu keniyu te Nengazen he Megbevayè niw. Iyan kew nekesaǥad kayi ne kenà iyan is menge anak niw. Wazà sikandan mekesaksi te kegkelavew wey kegkemekeǥeǥehem te Nengazen,

Deuteronomio 11:2 ပူးပေါင်းရင်းမြစ်များ

Salmo 136:12

Impeǥawas din sikandan pinaaǥi te zekelà he ǥehem din. Wazà pidtemanan te ǥaǥew zin.

Exodus 6:6

Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.

Erubasa 22:19

Ibpenurù ku heini kenikew ǥuntaan su wey nu iyan meseriǥi is Nengazen.

Isaias 53:5

Iyan tutuu is, mibpelian sikandin tenged te menge kedrapas tew; nevuǥel sikandin tenged te kelelalung tew. Is silut he mid-antus din iyan nekeveǥey kenitew te meupiya he kebpekesavuk; ne pinaaǥi te menge palì din nengeulian kiw.

Deuteronomio 29:10

Guntaan he andew midhitindeg kew is langun diyà te etuvangan te Nengazen he Megbevayè niw: is menge pengulu te menge tribu niw, is ebpemendumala, is menge upisyal, is langun he menge maama te Israel,

Deuteronomio 3:24

‘He Nengazen he MEGBEVAYÀ, impuun nu en ipaahà kedì te suluǥuen nu is kegkemekeǥeǥehem nu; wazà Megbevayà diyà te langit wey kayi te tanà he ebpekehimu te egkengein-inuwan he mibeelan nu.

Deuteronomio 4:34

Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.

Deuteronomio 5:24

ne ke sikandan te, ‘Impaahà kenitew te Nengazen he Megbevayè tew is mekeǥeǥehem he kebpekiduma zin kenitew wey is dengeg din, ne nezineg tew is laǥeng din he ebpuun te hapuy. Ne neseksiyan tew ǥuntaan he egkeuyag ded bes is etew minsan ebpekidlalag kandin is Megbevayà.

Deuteronomio 7:19

Iyan kew mismu nekesaksi te zekelà he penggezam, egkein-inuwan he menge hitavù, wey is dekelà he ǥehem he migamit te Nengazen he Megbevayè niw te kebpeǥawas keniyu. Ne iring ded dutun is ebeelan te Nengazen he Megbevayè niw ziyà te langun he menge etew he igkahandek niw.

Deuteronomio 8:19

“Piru ebpetizeenan ku en sikiyu ǥuntaan he emun edlipatan niw is Nengazen he Megbevayè niw, ne edsunud kew te zuma he menge ed-ezapen ne ed-ezapen niw wey ebpenilbiyan niw sikandan, kenè en ebperis he egkengezeetan kew.

Deuteronomio 9:26

Mib-ampù a ziyà te Nengazen he ke siak te, ‘He Nengazen he MEGBEVAYÀ, kenè nu zèdeeti heini is menge etew he ǥaked nu. Midlibri nu sikandan ne impeǥawas nu puun te Ehipto pinaaǥi te zekelà he ǥehem nu.

Josue 24:31

Nenilbi te Nengazen is menge Israilihanen dutun te kaazen pa ni Josue. Ne minsan te minatey en si Josue mibpedayun dan gihapun he ebpenilbi te Nengazen dutun te uuyag pa is ebpemendumala te menge Israilihanen he nengetau te langun he mibeelan te Nengazen para te Israel.