Deuteronomio 1:3 - Manobo Western Bukidnon OT

³ Dutun te nehuna he andew te ike-11 he vulan te ike-40 he tuig puun te ked-awà te menge Israilihanen diyà te Ehipto, migkaǥi ni Moises is langun he ibpekaǥi kandin te Nengazen diyà te kandan.

Deuteronomio 1:3 ပူးပေါင်းရင်းမြစ်များ

Leviticus 27:34

Iyan heeyan menge suǥù he imbeǥey te Nengazen ki Moises diyà te Buntud he Sinai he para te menge Israilihanen.

Numero 1:1

Hein nehuna he andew te ikezuwa he vulan, dutun te ikezuwa he tuig te ked-awà te menge Israilihanen diyà te Ehipto, migkaǥi is Nengazen diyà te ki Moises diyà te Tulda he Edtelevukaayan he ziyà te sibsivayan he Sinai te,

Numero 20:1

Hein nehuna he vulan nekeuma is tivuuk he keet-etawan te Israel ziyà te sibsivayan he Zin, ne migkampu zan diyà te Kadesh. Dutun mebpatey si Miriam wey zutun daan ileveng.

Numero 33:38

Ne sumalà te mandù te Nengazen midtekezeg si Aaron he memumuhat diyà te Buntud he Hor, ne zutun sikandin mebpatey te penuiǥen he 123 he tuig. Nehitavù haazà hein nehuna he andew te ikelima he vulan te ike-40 he tuig puun te ked-awà te menge Israilihanen diyà te Ehipto.

Josue 4:19

Is kedlayun te menge Israilihanen te Wahig he Jordan nehitavù hein ikesepulù he andew te egkehuna he vulan. Ne migkampu sikandan diyà te Gilgal he zapit te edsilaan emun diyè ki te Jerico.