Daniel 9:21 - Manobo Western Bukidnon OT

²¹ Ne zutun te ked-ampù ku, meǥaan he midlayang pehendiyà te kedì si Gabriel is nehune en he mibpelawas kedì. Uras haazà te mahapun he kebpemuhat.

Daniel 9:21 ပူးပေါင်းရင်းမြစ်များ

1 Hadì 18:29

Midlavey en is meudtu ne edsigudu ǥihapun sikandan ebpengulahì taman te neuma is uras te mahapun he kebpemuhat, piru wazà mibeǥey te hangyù dan.

1 Hadì 18:36

Hein timpu en te kebpemuhat, mid-uvey si Elias he ebpeneuven duen te pemuhatà ne nengemuyù sikandin. Ke sikandin te, “Nengazen he Megbevayà ni Abraham, ni Isaac, wey ni Jacob, ipeehè nu is puriba ǥuntaan he andew he iyan ka Megbevayà te Israel ne suluǥuen a kenikew, ne mibeelan ku heini is langun he vaal su iyan insuǥù nu.

Salmo 103:20

Deliǥa niw is Nengazen, sikiyu is mekeǥeǥehem he menge velinsuǥuen he ebpemineg wey edtuman te menge lalag din.

Salmo 104:4

Midhimu nu he menge menunudtulè nu is keramag, ne menge suluǥuen nu is menge kilat.

Salmo 141:2

Isipa nu he iring te veyewà heini is ampù ku ziyà te kenikew. Isipa nu is kebeyawa ku te menge velad ku he iring kemahal te mahapun he kebpemuhat.

Exodus 29:39

Sevaha te meselem ne sevaha te mahapun.

Isaias 6:2

Duen menge ilengiten he linimbag he ziyà dapit te ulu zin. Ne is kada sevaha zutun, ne heenem is pakpak din: is dezuwa he pakpak dan neketambun diyà te vuked dan, ne is dezuwa neketambun te menge paa zan, ne is dezuwa pa egemiten dan te kedlayang.

Ezekiel 1:11

Is dezuwa he pakpak dan nevekar ne neketemu ziyà te pakpak te avey zan, ne is dezuwa pa he pakpak dan neketambun te lawa zan.

Ezekiel 1:14

Heini is uuyag he menge linimbag edlikùlikù he henduen be te kilat.

Ezekiel 14:14

Minsan pa ke ziyà te kandan si Noe, si Daniel, wey si Job, ne iyan dà heini is tetelu egkelibri tenged te ketazeng dan. Iyan a, is Nengazen he MEGBEVAYÀ, is migkaǥi kayi.

Daniel 10:10

Migewezan e zin ne mid-enew e zin is egkerkeren is menge vuel wey menge velad ku.

Daniel 10:16

Ne, heini is henduen be te etew, migkevit din is bivig ku ne human a mekekaǥi. Migkeǥiyan ku haazà is edhithitindeg diyà te etuvangan ku te, “Datù, selakew is keǥezamgezam ku wey edluyahan a tenged duen te nelewasan ku.

Daniel 10:18

Umbe, mid-umanan a zin kevita ne midlikù is desen ku.

Daniel 8:16

Ne nekezineg a te laǥeng te etew he ebpuun te Wahig he Ulai he edhenduen te, “Gabriel, iseysey nu ziyà te kandin is kehuluǥan duen te nelewasan din.”

Daniel 8:18

Ne zutun te kebpekidlalag din kedì, neewaan a te tanud is edlangkeb diyà te tanà. Piru migewezan e zin wey impeenew.