Daniel 9:17 - Manobo Western Bukidnon OT

¹⁷ “Umbe, Megbevayè ku, pemineǥa nu is hangyù ku wey pengemuyù ku. Para meveǥayi ka te zengeg, Nengazen, umana nu venguna is baley nu he nerundus he mibey-anan en.

Daniel 9:17 ပူးပေါင်းရင်းမြစ်များ

1 Hadì 8:28

Piru, Nengazen he Megbevayè ku, pemineǥa a kenikew is suluǥuen nu te menge kebpengemuyù ku wey kebpehizuhizu ku kenikew. Pemineǥa nu is kebpengumew ku wey kebpengemuyù ku ǥuntaan diyà te etuvangan nu.

Nehemias 1:6

Siak is suluǥuen nu, ebpengemuyù a ziyà te kenikew te maandew wey mezukilem para te menge etew ziyà te Israel he menge suluǥuen nu. Pemineǥa a wey tevaka nu is ampù ku. Idtug-an ku kenikew is menge salà te menge Israilihanen, ragkes en is kedì he menge salà wey is menge salà te menge kepuun ku.

Salmo 119:135

Ipeehè nu kedì te suluǥuen nu is keupiya nu, ne penurua a te menge sulunuzen.

Salmo 4:6

Mahabet is egkaǥi te, “Nengazen kehizuwi key; iyan ka metau he uzara key. Ipeehè nu is keupiya nu kenami!”

Salmo 67:1

He Megbevayà, kehizuwi key wey tuvazi key. Ipeehè nu kenami is keupiya nu,

Salmo 67:2

su para metueni ziyà te langun he menge nasyun te tivuuk he kelibutan is paaǥi nu wey is kedluwas nu.

Salmo 74:3

Leuya nu ne ahaa nu is ebpedayun he kegkezeeti zuen te valey nu tenged te mibeelan te menge kuntada.

Salmo 80:1

Sikew is ebantey te Israel, pemineǥa key kenikew, iyan ka migiya te iring te menge kerehidu he menge kevuwazan ni Jose. Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu

Salmo 80:19

He Nengazen he Mekeǥeǥehem he Megbevayà, ilikù nu zini te kenami is meupiya he kebpekesavuk dey! Ipeehè nu kenami is hizu nu su wey key melibri.

Salmo 80:3

He Megbevayà, iliku nu kayi te kenami is keupiya te kebpekesavuk dey zengan. Ipeehè nu kenami is hizu nu su wey key melibri.

Salmo 80:4

Nengazen he Megbevayà he Mekeǥeǥehem, sengemenu keluǥayad is timpu he igkeepes nu zà is menge kebpengemuyù dey te menge etew nu?

Salmo 80:7

He Megbevayà he Mekeǥeǥehem, ilikù nu kayi te kenami is meupiya he kebpekesavuk dey zengan. Ipeehè nu kenami is keupiya nu su wey key melibri.

Isaias 48:11

Ebeelan ku heini para te zengeg ku. Kenè ku idtuǥut he mepeel-elezi a. Kenè ku idtuǥut he iyan egkeveǥayan te zengeg is duma he menge ed-ezapen.

Penhulùhulù 3:56

Mibpemineg nu is kebpehizuhizu ku wey kebuyù ku te tavang.

Penhulùhulù 5:18

Su mekevulungbulung en is Buvungan he Zion, ne iyan dà edriǥuriǥu kayi is leew he menge asu.

Daniel 9:19

Pemineǥa key, Nengazen, wey peseyluwa key. Segugunà key tevangi para meveǥayi ka te zengeg, su migkilala ka he Megbevayà diyà te inged nu wey menge etew nu.”