Daniel 9:16 - Manobo Western Bukidnon OT

¹⁶ Umbe, Nengazen, tenged dà te kenikew he keupiya, edhangyù a ziyà te kenikew he iawè nu en is pauk nu te menge meǥinged diyà te Jerusalem te inged nu he segradu he vuvungan. Tenged te menge salè dey wey menge salà te menge kepuun dey, mibpeel-elezan key wey is menge tig-Jerusalem te menge etew he nekeelingkus kenami.

Daniel 9:16 ပူးပေါင်းရင်းမြစ်များ

Nehemias 9:8

Neehè nu he mepezumdumahan sikandin kenikew, ne nenangdù ka ziyà te kandin he ibeǥey nu ziyà te menge kevuwazan din is tanà te menge Canaanhen, Hitihanen, Amorihanen, Pirisihanen, Jebusihanen, wey menge Girgasihanen. Ne midtuman nu is insaad nu ziyà te kandan, su metazeng ka.

Salmo 143:1

He Nengazen, pemineǥa nu heini is ked-ampù ku kenikew. Dineǥa nu heini is kebpehizuhizu ku kenikew. Tenged te metazeng wey metinumanen ka, ne tevangi a.

Salmo 31:1

Nengazen, diyà a te kenikew med-aput. Ne kenè nu ituǥut he mepeel-elezi a. Libriya a su metazeng ke man.

Salmo 41:13

Edeliǥen is Nengazen he Megbevayà te Israel te wazà pidtemanan. Amen! Amen!

Salmo 71:2

Tevangi a wey luwasa a su metazeng ke man. Pemineǥa a wey luwasa a.

Salmo 79:4

Ebpeel-elezan key wey edsudien key te menge nasyun he nekeliǥuy kenami.

Salmo 85:4

He Megbevayà he menluluwas dey, ilikù nu kayi te kenami is meupiya he kebpekesavuk dey. Iawè nu en is pauk nu kenami.

Salmo 89:51

Iyan, is menge kuntada nu, Nengazen, edsudì te pinilì nu he hadì minsan hendei sikandin ebayà.

Exodus 20:5

Kenè kew mebpenilbi wey med-azap kayi; su siak, is Nengazen, iyan a Megbevayè niw, ne kenà a egkesuat he zuen pa zuma he ed-ezapen niw. Edsilutan ku is menge nekesalà kedì, apil en is menge kevuwazan dan taman te iketelu wey ikeepat he lapis te kevuwazan dan he midselikwey kedì.

Isaias 5:25

Umbe tenged te utew kegkepeuki keniyu te Nengazen te menge etew zin, ne edsilutan kew zin. Egkehuyung is menge vuvungan ne ebpekepeyapat kew ziyà te kersada is ebpemematey he egkeiring te menge vesura. Ne minsan pa zutun kenè pa egkaawà is pauk te Nengazen. Andam pa ǥihapun sikandin he edsilut keniyu.

Jeremias 24:9

Edhimuwen ku he ebpendemisan sikandan diyà te langun he ginhedian kayi te kelibutan. Edsudien sikandan wey ed-un-undahan wey ebpenrewakan diyà te langun he lugar he edsegseǥan ku kandan.

Jeremias 29:18

Uya, edlislisezen ku sikandan pinaaǥi te tebek, bitil, wey zaru, ne egkahandek is langun he menge ginhedian tenged te egkehitavù kandan. Edsegseǥen ku sikandan pehendiyà te zuma he menge nasyun ne zutun sikandan ebpenrewaki, edsudien, wey ed-un-undahan.

Jeremias 32:31

Puun pa te kegketukud kayi he inged taman en guntaan, midhimu te menge meǥinged kayi he mepauk a. Umbe edezeetan ku heini.

Jeremias 32:32

Midhimu te menge etew ziyà te Israel wey Juda he mepauk a tenged te mezaat he menge vaal zan. Pudu sikandan–is menge hadì dan wey menge upisyal zan, is menge memumuhat dan, is menge ebpeneuven, wey is langun he menge etew ziyà te Juda wey Jerusalem.

Ezekiel 22:4

Nekesalè ka pinaaǥi te kebpenhimatey nu wey kedremeriki nu te keugelingen nu pinaaǥi te kebaal nu te menge ed-ezapen. Neume en is ketepusan nu. Umbe ed-engitan ka wey ed-un-undahan te menge nasyun.

Ezekiel 5:14

Ebengkaǥen ku is inged niw ne ebpeel-elezan ku sikiyu ziyà te menge nasyun he nekeelingkus keniyu wey te menge sumeseǥàzà kayi te inged niw.

Daniel 11:45

Ebangun sikandin te tulda zin te hadì diyà te mid-elangan te zaǥat wey te mekempet wey segradu he vuvungan. Piru te huziyan he timpu egkepatey sikandin he wazà ebpeketavang kandin.”

Daniel 9:20

Mibpedayun a is ebpengemuyù wey edtug-an te menge salè ku wey menge salà te menge zuma ku he menge Israilihanen. Midhengyuan ku is Nengazen he Megbevayè ku para te segradu he vuvungan din.

Joel 3:17

Menge tig-Juda, egketuenan niw he iyan a, is Nengazen he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.

Zacarias 8:3

Edlikù a ziyà te Zion, kes inged he Jerusalem, ne ed-ubpà a ziyà. Ne egngezanan is Jerusalem te Metinumanen he Inged wey egngezanan heini is buvungan ku te Buvungan he Segradu.

1 Samuel 2:7

Edhimuwen din is duma he pubri, ne is duma, ibpesepian din. Ibpekevavè din is duma, wey ibpemetikang din is duma.