Daniel 9:13 - Manobo Western Bukidnon OT

¹³ Nehitavù diyà te kenami heini he silut sumalà is ingkesurat diyà te Kesuǥuan ni Moises. Piru Nengazen he Megbevayè dey, minsan pa te iyan heini nehitavù kenami wazè key ǥihapun medtinguha te kebpenunuat kenikew pinaaǥi te ked-iniyug te menge salè dey wey kegkilala te tutuu.

Daniel 9:13 ပူးပေါင်းရင်းမြစ်များ

Job 36:13

Is menge etew he wazà medtuu te Megbevayà, duen pauk diyà te gehinawa zan, ne minsan edsilutan sikandan te Megbevayà, ne kenà sikandan ebpetavang kandin.

Salmo 119:18

Puwasi nu is isip ku su wey ku mesavut is mekempet he menge ketutuanan diyà te kesuǥuan nu.

Salmo 119:27

Ipesavut nu kedì is menge sulunuzen he ibpesunud nu, su para mengunùngunù ku is egkein-inuwan he menge vaal nu.

Salmo 119:73

Midlimbag a wey mibpurma a kenikew; beǥayi a te kedsavut su para meistudyuwi ku is menge suǥù nu.

Salmo 85:4

He Megbevayà he menluluwas dey, ilikù nu kayi te kenami is meupiya he kebpekesavuk dey. Iawè nu en is pauk nu kenami.

Isaias 31:1

Mekehizuhizu kew is mibuyù te tavang diyà te Ehipto. Midsarig kew te meǥaan he menge kudè dan, mahabet he menge kerwahi zan, wey memezesen he menge pereuntud dan te kudà. Piru wazè kew midsarig te Nengazen, he Waǥas he Megbevayà te Israel, ne wazè kew mebuyù te tavang din.

Isaias 42:9

Is menge midtagnè ku ne nengetuman en, ne ǥuntaan ibpezayag ku is huziyan he egkengehitavù te kenè pa heini egkehitavù.”

Isaias 43:22

“Piru wazè ka mebuyù te tavang kayi te kediey, Israel, su midsemu ke en kediey.

Isaias 64:6

Neiring key is langun te vutang he meremerik, ne is langun he meupiya he menge vaal zey, ne iring dà te meremerik he terapu. Iring key is langun te zahun he neǥangu, ne is kelelalung dey ne iring te keramag he midlayap kenami.

Isaias 64:7

Wazà minsan sevaha kenami he midangep kenikew wey neninguhà he egawed kenikew. Iyan heeyan hinungdan ke maan is mid-iniyuǥan key kenikew, ne mibey-anan key en kenikew is ebpematey tenged te menge salè dey.

Isaias 9:13

Piru is menge etew te Israel kenà gihapun edlikù diyà te Nengazen he Mekeǥeǥehem he midsilut kandan.

Jeremias 2:30

Midsilutan ku is menge anak niw para memansu, piru wazà heini medrimeǥas te meupiya ziyà te kandan. Kenà sikandan egkesuat he ebpenuruen. Iyan kew mismu midhimatey te menge ebpeneuven diyà te keniyu; neiring kew te egkevitil he erimaung.

Jeremias 30:14

Midlipatan kew en te kezapig niw he menge nasyun; wazè kew zan en seǥipaa. Midsurung ku sikiyu iring te kedsurung te kuntada niw. Mibpurungan ku sikiyu siluti su utew en meveǥat is menge salè niw wey utew en heini mahabet.

Jeremias 31:18

Nezineg ku is sineǥawan te menge tig-Efraim. Ke sikandan te, “Nengazen, neiring key te nati he vaka he wazà melayam te eyuǥu, iyan, mibpenurù key kenikew te kebpezumazuma kenikew. Iyan ka Nengazen he Megbevayè dey, umbe ilikù key kenikew ziyà te tanè dey.

Jeremias 44:23

Nehitavù heini he kezeetan diyà te keniyu su midtutung kew te veyewà wey mibaal kew te salà diyà te Nengazen. Wazè kew medtuman te kesuǥuan din wey wazè kew medsunud te menge sulunuzen wey menge penurù.”

Jeremias 44:27

Su kenè ku sikiyu ebeǥayan te keupiyaanan pinaaǥi te ked-ipata ku keniyu, kekenà, edsilutan ku sikiyu. Ebpematey kew kayi te Ehipto pinaaǥi te tebek etawa vitil taman te wazè en egkesamà keniyu.

Jeremias 5:3

Ne zutun migkaǥi a te, “He Nengazen, kenè be nengeehè ka te etew he egkeseriǥan? Mibpesekitan nu is menge etew nu, piru wazè dan heini seǥipaa. Midsilutan nu sikandan wey zan mepenurù, piru kenè dan egkesuat he ebpenuruen. Wazè dan en keelezan ne kenè en sikandan ed-engked te kebaal te mezaat.

Penhulùhulù 5:21

He Nengazen, ipelikù key ziyà te kenikew ne edlikù key. Ilikù nu zini te kenami is meupiya he kebpekesavuk dey zutun te nehuna he timpu.

Ezekiel 16:43

“ ‘Midlipatan nu ke mibmenumenu ku sikew te ed-atur hein betan-en ke pa, ne midhimu nu hinuun he mepauk a tenged te menge mibeelan nu, umbe iyan a, is Nengazen he MEGBEVAYÀ egkaǥi he edsilutan ku sikew te sungkad te menge vaal nu. Kenè be mibaal ka te utew mezaat he menge vaal he in-uman nu te mahawag ha menge vaal nu?

Daniel 9:11

Midsupak is langun he menge Israilihanen te menge suǥù nu; kenè dan egkesuat he edtuman te menge lalag nu. Ne tenged te kebaal zey te salà, neseǥazan dey is rawak he ingkesurat diyà te Kesuǥuan ni Moises te suluǥuen nu.

Hoseas 7:10

Is kegkemepelevawen dan iyan ebpengintutuu he ereg sikandan he edsilutan. Piru minsan pa te kegkehitevua kayi te langun diyà te kandan, wazà gihapun sikandan medlikù wey medangep kayi te kedì te Megbevayè dan.

Hoseas 7:14

Kenà tinutuuwà is ked-umawa zan kediey. Dutun te edsineǥew zan diyà te menge hizeǥaan dan is ebuyù diyà te zuma he menge ed-ezapen dan te trigu wey vinu, ebpelian dan is lawa zan. Mibpekeziyù sikandan kayi te kediey.

Hoseas 7:7

Pudu sikandan neregreg tenged te pauk dan he iring is keinit te evuwan, umbe mibpenhimetayan dan is menge perezumala zan. Pudu nezeeti is menge hadì dan, piru wazà minsan sevaha kandan he mibuyù te tavang kayi te kediey.

Deuteronomio 29:4

Piru taman en guntaan wazè pa pengelinteuwi te Nengazen he mesavut niw is neehè niw wey nezineg niw.