Daniel 8:8 - Manobo Western Bukidnon OT

⁸ Ne mid-iseg pa is kegkemekeǥeǥehem duen te kambing. Ne hein utew en sikandin mekeǥeǥehem, nerupù sikan is sungey zin. Piru midtuvuan haazà is nerupuan te heepat he nekeviza he menge sungey he ebpeketezù diyà te nekedseselekawà he vahin te kelibutan.

Daniel 8:8 ပူးပေါင်းရင်းမြစ်များ

2 Cronica 26:16

Piru hein gemhanan en sikandin, ne mibpegalbu en sikandin. Ne iyan heini nekezezaat kandin. Wazà sikandin mebmetinumanen te egkesuatan te Nengazen he Megbevayè din, su midseled sikandin diyà te valey te Nengazen he nenguney medtutung te veyewà duen te pemuhatà.

Ester 9:4

Su si Mordecai utew en dekelà is gehem din diyà te turuǥan te hadì; nekeeneb en is bentuǥan din diyà te tivuuk he ginhedian. Ne mid-iseg pa is kegkemekeǥeǥehem din.

Jeremias 49:36

Edsurungen is Elam te menge kuntada he ebpemuun diyà te heepat he menge lugar kayi te kelibutan, ne ibpeyapat ku is menge meǥinged dutun diyà te minsan hendei. Ne ebihaǥen sikandan diyà te langun he menge nasyun kayi te kelibutan.

Jeremias 5:27

Iring te beleyanà he nepenù te menge tagbis, is baley kayi he menge etew nepenù te ketiǥeyunan he nekuwa zan te mezaat he paaǥi. Umbe midsepian sikandan wey nehimu he gehemanen.

Ezekiel 16:7

Impezekelè ku sikew iring te pinemula ziyà te vevesukà. Midekelè ka he nehimu he mekempet he raǥa. Nepurma is menge susu nu wey mibmelayat is bulvul nu, piru lelevas ka ǥihapun.

Ezekiel 28:9

Ne ed-ahaan ta ke ebpekekaǥi ke pa ǥihapun diyà te etuvangan te menge edhimatey kenikew te Megbevayè ka. Etew zà is ked-isipa zan kenikew ne kenà Megbevayà.

Daniel 11:4

Ne emun egkehimu en sikandin he utew mekeǥeǥehem, egkevengkag is ginhedian din ne egkeheepat he vahin kayi te kelibutan, piru kenè din menge kevuwazan is ebpemekahadì dutun. Is ebpekeilis kandin he menge hadì ne kenà ebpekeiring is kandan he kedumala te kandin he kedumala. Edhewien diyà te kandin is ginhedian din, ne ibeǥey ziyà te zuma, ne kenà diyà ibeǥey te menge kevuwazan din.

Daniel 4:31

Ne te wazè pa sikandin mekepasad he egkaǥi, duen laǥeng he ebpuun diyà te langit he edhenduen te, “Hadì Nebucadnezar, pemineǥa nu heini: Midhawì en diyà te kenikew is keǥehem nu te kedhadì.

Daniel 5:20

Piru geina te mebpagalbu wey mibpelavew sikandin, impaawà sikandin te kegkahadì

Daniel 7:2

Sengekezukileman, nelewasan ku is meluag he zaǥat he egkeremaǥen te mevandes he keramag he nekedseselekawà is ebpuunan din.

Daniel 7:6

Ne neehè ku is iketelu he langgam he henduen be te liyupardu. Duen heepat he pakpak din diyà te peka zin he iring te pakpak te tagbis wey heepat is ulu zin. Ne mibeǥayan sikandin te keǥehem te kedumala.

Daniel 8:22

Sikan is heepat he sungey he midlepew hein nerupù sikan is nehuna he sungey, ebpaalung te heepat he ginhedian te Grecia he egkevahinbahin. Piru is menge hadì dan, kenà ebpekeiring is kegkemekeǥeǥehem dan duen te nehuna kandan he hadì hein wazè pa mevahin haazà he ginhedian.

Daniel 8:5

Ne zutun te kedtengtengi ku kayi ne netekewtekew a te zuen nekeuma he kambing he ebpuun diyà te edsenlepan. Midhipanew zin is kelibutan he kenà ebpeketanà is menge paa zin diyà te tanà tenged te keǥaan din. Duen nekeviza he sungey zin su ziyà te pid-elangan te menge mata zin.

Daniel 8:7

Tenged te utew zin kegkepauk, wazè din engkezi te edtebek haazà is kerehidu taman te nengerupù sikan is dezuwa he sungey zin. Ne zutun kenè en ebpekesukul haazà is kerehidu. Nepiley haazà ne midtekutakan duen te kambing. Ne wazà neketavang kandin.

Deuteronomio 31:20

Ed-uwiten ku sikandan diyà te meupiya wey selebpeten he tanà he impenangdù ku he ibeǥey ziyà te menge kepuun dan. Ed-ubpà sikandan dutun he meuswaǥen; ebpekekaan sikandan te langun he keenen he egkesuatan dan, ne egkengahantey sikandan. Piru ed-iniyuǥan e zan ne ed-azap sikandan te selakew en he menge ed-ezapen. Edrepasen dan is kebpekid-uyun ku kandan.