Daniel 8:22 - Manobo Western Bukidnon OT

²² Sikan is heepat he sungey he midlepew hein nerupù sikan is nehuna he sungey, ebpaalung te heepat he ginhedian te Grecia he egkevahinbahin. Piru is menge hadì dan, kenà ebpekeiring is kegkemekeǥeǥehem dan duen te nehuna kandan he hadì hein wazè pa mevahin haazà he ginhedian.

Daniel 8:22 ပူးပေါင်းရင်းမြစ်များ

Daniel 11:4

Ne emun egkehimu en sikandin he utew mekeǥeǥehem, egkevengkag is ginhedian din ne egkeheepat he vahin kayi te kelibutan, piru kenè din menge kevuwazan is ebpemekahadì dutun. Is ebpekeilis kandin he menge hadì ne kenà ebpekeiring is kandan he kedumala te kandin he kedumala. Edhewien diyà te kandin is ginhedian din, ne ibeǥey ziyà te zuma, ne kenà diyà ibeǥey te menge kevuwazan din.

Daniel 7:6

Ne neehè ku is iketelu he langgam he henduen be te liyupardu. Duen heepat he pakpak din diyà te peka zin he iring te pakpak te tagbis wey heepat is ulu zin. Ne mibeǥayan sikandin te keǥehem te kedumala.

Daniel 7:7

Dutun daan he kezukileman, nelewasan ku is ikeepat he langgam. Mekahandekhandek heini he ed-ahaan wey utew mezesen. Duen dezekelà is menge ngipen din he putew. Egkeǥaten din wey egkeenen din is egkekeizan din, ne emun duen din samà edrunteken din heini. Nekeviza sikandin duen te tetelu he menge langgam, wey zuen sepulù he sungey zin.

Daniel 8:21

Sikan is kambing, iyan ibpaalung dutun is ginhedian te Grecia, ne sikan is dekelà he sungey ziyà te pid-elangan te menge mata zin, ebpaalung te nehuna he hadì.

Daniel 8:23

“Diyà te huziyan he menge andew te kedhadì kayi he menge hadì, dutun te timpu he utew en dekelà is salè dan, ne edhadì is sevaha he mesipala wey limbungan he hadì.

Daniel 8:3

Ne zutun duen neehè ku he meemahan he kerehidu he edhithitindeg diyà te veyvey zutun te wahig. Duen din dezuwa he sungey he memelayat. Piru hein netegteǥaad nekedtimpa haazà su mid-iseg mebmelayat is sevaha.

Daniel 8:8

Ne mid-iseg pa is kegkemekeǥeǥehem duen te kambing. Ne hein utew en sikandin mekeǥeǥehem, nerupù sikan is sungey zin. Piru midtuvuan haazà is nerupuan te heepat he nekeviza he menge sungey he ebpeketezù diyà te nekedseselekawà he vahin te kelibutan.

Zacarias 6:1

Duen daan neehè ku he heepat he kerwahi he midlepew puun te pid-elangan te zezuwa he vuntud he brunsi.