Daniel 8:12 - Manobo Western Bukidnon OT

¹² Minsan pa te iyan heini kerepasan din, intuǥut he mezizalem te gehem din is menge linimbag diyà te langit wey is andew-andew he kebpemuhat. Bali wazà diyà te kandin is tutuu, ne mibmelempusen sikandin diyà te menge vaal zin.

Daniel 8:12 ပူးပေါင်းရင်းမြစ်များ

Job 12:6

Piru is menge tulisan wey is menge etew he ebaal te igkepauk te Megbevayà, melinawen mulà is kebpengungubpaan dan, minsan is kebpekegaga zan, ne iyan ed-isipen dan he megbevayè dan.

Salmo 119:142

Is ketazeng nu wazà pidtemanan wey tutuu is kesuǥuan nu.

Salmo 119:43

Ipekaǥi a kenikew te tutuu, he iyan is menge lalag nu, te minsan hengkey he timpu. Su iyan midseriǥan ku is menge suǥù nu.

Salmo 28:5

Su wazè dan seǥipaa is menge mibeelan nu. Umbe zezeeti nu sikandan ne veleǥaza nu en sikandan dutun te kebpekesavuk dan.

Isaias 59:14

Ne iyan heeyan hinungdan he wazè pa siluti te Megbevayà is menge kuntada tew wey wazè kiw zin pa veǥayi te kezeeǥan duma is ketazeng. Egketembunan en is tutuu ziyà te minsan hendei; is menge etew kenè en egkeseriǥan.

Jeremias 12:1

He Nengazen, layun hustu is kukuman nu emun edriklamu a ziyà te kenikew. Ne ǥuntaan ed-insà a mehitenged te hustu he kukuman nu: Maan is ed-uswag is menge lalung? Maan is dezeyaan is ked-ubpà te menge etew he midluib kenikew?

Daniel 11:28

Ne ed-ulì diyà te kandin he inged haazà is hadì diyà te zizaya he ed-uwit te mahabet he menge azen he netavan din pinaaǥi te kebpekidtebek. Ne zutun ebpeǥintuluyen din te edezaat is menge etew te Megbevayà wey is tinuuwan dan, ne human edlaus ed-ulì.

Daniel 7:21

Neehè ku heini he sungey he mibpekidtebek te menge ǥaked te Megbevayà, ne nekezaag sikandin.

Daniel 8:4

Neehè ku he ebpemenungey haazà is kerehidu ziyà te minsan hendei he lugar. Ne wazà duma he langgam he ebpekepeengked kandin. Ne wazà ebpekelikey kandin. Umbe ebeelan din en ke hengkey is egkesuatan din te ebaal ne nehimu haazà he mekeǥeǥehem.

1 Samuel 23:9

Ne hein netuenan ni David is planu ni Saul, migkeǥiyan din si Abiatar kes lavew he memumuhat he kuwaa zin kes ipud.