Daniel 7:9 - Manobo Western Bukidnon OT

⁹ Ne neehè ku he zuen impemelastar he menge pinuuwà te edhadì, ne is Megbevayà he uuyag puun pa te nehuna, mibpinuu ziyà te kandin he pinuuwà te kedhadì. Ebpengenamag is bisti zin wey vulvul zin te keputi. Edriyubriyub is pinuuwè din he zuen din menge ligid.

Daniel 7:9 ပူးပေါင်းရင်းမြစ်များ

1 Hadì 22:19

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

2 Cronica 18:18

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

Salmo 45:8

Is bisti nu mehemut te pehemut he mira, aloe, wey kasia. Edlenganen ka te menge musikiru te menge gelemiten te kedtukar he ziyà te seled te turuǥan nu, ne haazà he turuǥan, mahal is indayandayan duen.

Salmo 90:2

Hein wazà nu pa limbaǥa is menge vuntud wey is kelibutan, ne Megbevayè ke en, ne iyan ka ǥihapun Megbevayà te wazà pidtemanan.

Salmo 93:2

Is kedhadì nu puun pa te puunà, su zaan ke en hein wazè pa is kelibutan.

Isaias 6:1

Dutun te tuig te kebpatey ni Hadì Uzia, neehè ku is Nengazen he ebpimpinuu ziyà te metikang he pinuuwà te kedhadì. Is melayat he visti zin nekeeneb duen te valey te Nengazen.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Jeremias 49:38

Ibpelastar ku ziyà te Elam is pinuuwè ku te kedhadì, ne edhukuman ku sikandan ne edezeetan ku is hadì wey menge upisyal zutun.

Ezekiel 1:26

Ne zuen dutun henduen be te pinuuwà te hadì he iyan mibeelan is menge vatu he sepiru, ne zuen mibpinuu kayi he henduen be te etew.

Daniel 7:13

Ne zutun neehè ku zaan is henduen be te etew he neliǥuyan te ǥapun. Mid-uvey sikandin diyà te Megbevayà he uuyag puun pa te nehuna.

Daniel 7:22

Ne nekeuma sikan is uuyag puun pa te puunà, he iyan kes Utew Lavew he Megbevayà, ne midhukum sikandin pebur te menge etew he ǥaked din. Ne neuma is timpu te kedhadì te menge ǥaked te Megbevayà.

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Habakuk 1:12

Migkaǥi si Habakuk te, “He Nengazen, Megbevayè ka puun te nehuna. Iyan ka waǥas he Megbevayè ku ne wazè nu kemetayen. He Nengazen he iring te endilungà he vatu, mibpilì nu is menge tig-Babilonia te kedsilut kenami.