Daniel 7:5 - Manobo Western Bukidnon OT

⁵ Is ikezuwa he langgam ne henduen be te bir. Midhitindeg heini pinaaǥi te huziyanan he menge paa zin, ne ebangà heini te tetelu he ǥusuk he nekepetug-elang diyà te menge ngipen din, ne zuen lalag he edhenduen te, “Hala! Purung ka pekahantey te usa.”

Daniel 7:5 ပူးပေါင်းရင်းမြစ်များ

2 Hadì 2:24

Nekelilingey si Elisha is edtengteng dutun te menge vetan-en ne midrewakan din sikandan pinaaǥi te ngazan te Nengazen. Ne zuen dezuwa he bir he ebpuun diyà te keyuwen ne mibpengaǥat sikan is 42 he menge vetan-en.

Erubasa 17:12

Piligru pa is kebpekesinuǥung te engey kenà is kebpekesinugung te bir he ed-uraingen tenged te veǥu pa he midawi te sengelelanggam is menge anak din.

Isaias 56:9

Uvey kew is menge etew ziyà te menge nasyun he iring kemesipala te menge langgam, ne dèdeeti niw is menge etew ziyà te Israel.

Daniel 11:2

“Guntaan, idseysey ku en diyà te kenikew is tutuu: Duen tetelu pa he hadì he edhadì te Persia. Ne zuen ikeepat he hadì he ebpeketinundug kandan te tetelu ne edhuna pa heini he sepian kandan, ne pinaaǥi te ketiǥeyunan din, egkehimu sikandin he mekeǥeǥehem, ne edhinggaten din is duma he menge ginhedian te kebpekidtebek te ginhedian te Grecia.

Daniel 2:39

“Is ebpekesunud te kenikew he ginhedian ne meluya te kenikew he ginhedian. Is iketelu he ginhedian ne iyan is impetug-iring te brunsi he kevahin dutun te ledawan, ne egkezizalem te ǥehem kayi he ginhedian is tivuuk he kelibutan.

Daniel 5:28

Is Parsin, iyan kehuluǥan din is egkevahin is ginhedian nu ne imbeǥey ziyà te Media wey Persia.”

Daniel 7:4

Is nehuna he langgam, ne henduen be te erimaung, piru zuen din pakpak he pakpak te kulaǥu. Ne zutun te kedtengteng ku, midtamped is pakpak din. Ne impehitindeg sikandin iring te etew ne mibeǥayan te isip he iring te isip te etew.

Daniel 7:6

Ne neehè ku is iketelu he langgam he henduen be te liyupardu. Duen heepat he pakpak din diyà te peka zin he iring te pakpak te tagbis wey heepat is ulu zin. Ne mibeǥayan sikandin te keǥehem te kedumala.