Daniel 7:24 - Manobo Western Bukidnon OT

²⁴ Is sepulù he sungey, iyan is sepulù he hadì he edhadì dutun te ikeepet he ginhedian. Ne ebpekeilis kandan is sevaha he hadì he nekeviza kandan, ne egkezaag din sikan is tetelu he hadì.

Daniel 7:24 ပူးပေါင်းရင်းမြစ်များ

Daniel 11:36

“Ebeelan duen te hadì diyà te zizaya is minsan hengkey he egkesuatan din te ebaal. Ed-isipen din he iyan sikandin lavew te langun he ebpen-ezapen, ne edsumpeliten din is Megbevayà he iyan lavew te langun he ebpen-ezapen. Ebmelempusen sikandin taman dà te timpu te kebpezayaǥa te Megbevayà te pauk din, ne egkeulaula heini su kinahanglan he egkengehitavù is imbanglis te Megbevayà is kegkeul-ulaha zuen.

Daniel 2:41

Ne ǥeina te is menge paa zutun te ledawan putew wey brik, ne heini he ginhedian egkevahin. Piru ebpedayun is kelig-en kayi, su neehè nu man he nesahug te putew is menge paa zutun te ledawan.

Daniel 7:20

Ne mid-insaan ku zaan sikandin ke hengkey is kehuluǥan duen te sepulù he sungey zuen te ikeepat he langgam wey sikan is sevaha he sungey he midlepew he nekerupù duen te tetelu he sungey. Heini he sungey, zuen din menge mata wey vèbà ne ebpegalbu. Ne emun ed-ahaan ta, ne edhuna haazà he mekeǥeǥehem duen te zuma he menge sungey.

Daniel 7:23

Ne iyan heini inseysey zin kayi te kedì: Is ikeepat he langgam, iyan is ikeepat he ginhedian kayi te kelibutan he nekeviza te zuma he menge ginhedian. Edsurungen din wey edèdeetan din is menge etew kayi te tivuuk he kelibutan.