Daniel 7:20 - Manobo Western Bukidnon OT

²⁰ Ne mid-insaan ku zaan sikandin ke hengkey is kehuluǥan duen te sepulù he sungey zuen te ikeepat he langgam wey sikan is sevaha he sungey he midlepew he nekerupù duen te tetelu he sungey. Heini he sungey, zuen din menge mata wey vèbà ne ebpegalbu. Ne emun ed-ahaan ta, ne edhuna haazà he mekeǥeǥehem duen te zuma he menge sungey.

Daniel 7:20 ပူးပေါင်းရင်းမြစ်များ

Daniel 7:11

Edsigudu ad edtengteng hein ebpehambug sikan is sungey taman te neehè ku he midhimetayan sikan is ikeepat he langgam. Ne intimbag haazà diyà te hapuy ne netutung is lawa zin.

Daniel 7:19

Ne mid-insaan ku pa sikandin ke hengkey is kehuluǥan duen te ikeepat he langgam he nekeviza zuen te tetelu he langgam. Mekahandekhandek haazà he ed-ahaan, wey putew is menge ngipen din ne brunsi is menge sulu zin. Ne egkeǥaten din wey egkeenen din is egkekeizan din, ne emun duen din pa egkesamà ne edrunteken din.

Daniel 7:21

Neehè ku heini he sungey he mibpekidtebek te menge ǥaked te Megbevayà, ne nekezaag sikandin.

Daniel 7:23

Ne iyan heini inseysey zin kayi te kedì: Is ikeepat he langgam, iyan is ikeepat he ginhedian kayi te kelibutan he nekeviza te zuma he menge ginhedian. Edsurungen din wey edèdeetan din is menge etew kayi te tivuuk he kelibutan.

Daniel 7:7

Dutun daan he kezukileman, nelewasan ku is ikeepat he langgam. Mekahandekhandek heini he ed-ahaan wey utew mezesen. Duen dezekelà is menge ngipen din he putew. Egkeǥaten din wey egkeenen din is egkekeizan din, ne emun duen din samà edrunteken din heini. Nekeviza sikandin duen te tetelu he menge langgam, wey zuen sepulù he sungey zin.

Daniel 7:8

Ne zutun te kedtengtengi ku zuen te menge sungey, neehè ku he zuen neketik-ew meketuvù he zeisek he sungey ne nerupù din sikan is tetelu he menge sungey. Heini he sungey, duen din mata he henduen be te mata te etew wey zuen din bèbà he ebpegalbu.