Daniel 7:16 - Manobo Western Bukidnon OT

¹⁶ Umbe, mid-uvey a ziyà te sevaha te ebpemenhitindeg dutun ne mid-insaan ku ke hengkey is kehuluǥan duen te neehè ku.

Daniel 7:16 ပူးပေါင်းရင်းမြစ်များ

Daniel 7:10

Puun diyà te etuvangan din duen hapuy he edtudà. Edliblibuwen is kahabet te menge velinsuǥuen he ebpenilbi kandin. Andam en sikandin he edhukum, umbe, mibekar en is menge libru he ebpesikazan din te kedhukum din.

Daniel 7:17

Ne ke sikandin te, “Sikan is heepat he langgam iyan kehuluǥan dan is heepat he hadì he edhadì kayi te kelibutan.

Daniel 8:17

Ne hein mid-uvey kayi te kedì si Gabriel, midluhud a tenged te kegkahandek ku. Piru migkaǥi sikandin te, “Sikew is etew, kinahanglan he egkesavut nu sikan is nelewasan nu, he mehitenged te huziyan he timpu.”

Daniel 9:22

Impesavut e zin, ke sikandin te, “Daniel, midhendini a su ibpesavut ku kenikew is tagnà.

Zacarias 1:19

Ne mid-insà a zuen te velinsuǥuen he nekidlalag kedì te, “Hengkey is ibpesavut kayi te menge sungey?” Midtavak e zin te, “Heini is menge sungey iyan is menge nasyun he mibpeyapat te menge etew te Israel wey Juda, ragkes en he impeyapat dan is menge etew te Jerusalem.”

Zacarias 2:3

Ne migenat haazà is belinsuǥuen he nekidlalag kedì, ne midsinuǥung sikandin te selakew en he velinsuǥuen

Zacarias 3:7

te migkaǥi te Nengazen he Mekeǥeǥehem: “Emun edsunud ka te menge paaǥi ku wey edtuman ka te ibpetuman ku, ebpekepengulu ka ziyà te valey ku wey ebpekezumala ka ziyà te lama kayi. Ne edtuǥutan ku sikew te ked-uvey ziyà te etuvangan ku iring kayi te menge velinsuǥuen he ebpemenhithitindeg kayi.