Daniel 7:14 - Manobo Western Bukidnon OT

¹⁴ Mibeǥayan sikandin te zengeg wey keǥehem te kedhadì, ne ebpenilbi kandin is langun he menge etew ziyà te nekedseselekawà he menge nasyun, menge kepuun, wey menge kineǥiyan. Ne ebpedayun is kedhadì din te wazà pidtemanan ne wazà ebpekezezaat kayi.

Daniel 7:14 ပူးပေါင်းရင်းမြစ်များ

Salmo 102:22

Egkeulaula heini emun edtiǥum en dutun is menge etew he ebpemuun diyà te menge nasyun wey menge ginhedian te ked-azap te Nengazen.

Salmo 103:19

Insavuk te Nengazen diyà te langit is pinuuwè din te kedhadì, ne edhedian din is langun.

Salmo 145:13

Is kedhadì nu wazà pidtemanan. Nengazen ka he metinumanen te langun he menge penaad nu, wey veliǥeǥawen ka te langun he linimbag nu.

Salmo 146:10

Sikiyu is menge meǥinged diyà te Zion, is Nengazen he Megbevayè niw iyan sikandin kes edhadì te wazà pidtemanan. Deliǥa is Nengazen.

Salmo 45:6

Is ginhedian nu, Megbevayà, ebpedayun te wazà pidtemanan, ne metazeng is kedumelaha nu kayi.

Salmo 72:11

Berakat he ebpesakup kandin is langun he menge hadì ne ebpenilbi kandin is langun he menge nasyun.

Salmo 72:17

Berakat he kenà egkelipatan is ngazan te hadì te taman te taman mintras duen pa andew. Berakat he pinaaǥi kandin edtuvazan is langun he menge nasyun, ne ebpekekaǥi is menge etew ziyà te menge nasyun te, “Deyzey sikandin.”

Salmo 8:6

Midhimu nu sikandin he iyan edumala te menge linimbag nu; ne mibpeveyveyaan nu kandin is langun,

Isaias 16:5

Ne zutun edhadì en is sevaha he kevuwazan ni David he metinumanen wey beliǥeǥawen. Emun edhukum sikandin ibpeletew zin is hustu he kukuman. Wey abtik sikandin he ebaal te metazeng.

Isaias 60:12

Su egkepurung egkezeeti is menge nasyun etawa menge ginhedian he kenà ebpenilbi kenikew.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Daniel 2:35

Ne nelaus en mevekbek haazà is tivuuk he ledawan he putew, brik, brunsi, pelata, wey vulawan. Ne neiring heini te ukap te ginunas he ibpenlayap te keramag diyà te minsan hendei. Piru haazà is batu he nekevekbek duen te paa te ledawan, midekelà ne nehimu he vuntud he nekeeneb te tivuuk he kelibutan.

Daniel 2:37

Mahal he Hadì, iyan ka hadì te menge hadì. Iyan midhimu kenikew he hadì is Megbevayà diyà te langit, ne mibeǥayan ke zin te ǥehem, desen, wey zengeg.

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Daniel 3:4

ingkulahì te menunudtulà is lalag he edhenduen te, “Sikiyu is ebpemuun diyà te nekedseselekawà he menge nasyun, menge kepuun, wey menge kineǥiyan,

Daniel 4:3

Utew igkeinuinu wey utew mekeǥeǥehem is egkengein-inuwan he impaahà te Megbevayà! Is kedhadì din ne wazà pidtemanan.

Daniel 6:26

“Ebmandù a, he is langun he menge etew he sakup te ginhedian ku, kehendeki zan wey tehuza zan is Megbevayà ni Daniel. Su iyan sikandin uuyag he Megbevayà ne wazà pidtemanan te untung din. Ebpedayun is kedhadì din te minsan keenu. Ne wazà ebpekezezaat kayi.

Daniel 7:18

Piru iyan ebeǥayan te utew Lavew he Megbevayà te keǥehem te kedhadì he ebpedayun te wazà pidtemanan, is menge etew he midhimu zin he waǥas.”

Daniel 7:27

Ne zutun ibeǥey ziyà te menge etew he ǥaked te Utew Lavew he Megbevayà is kedumala wey keǥehem diyà te menge ginhedian kayi te tivuuk he kelibutan. Ne edhadì sikandan te wazà pidtemanan, is langun he menge ginhedian ebpenilbi wey ebpezumazuma kandin.

Obadias 1:21

Edtekezeg is menge menluluwas te Israel ziyà te Buvungan he Zion, su edumelahan dan is menge etew he menge meǥinged diyà te Buvungan ni Esau. Ne siak, is Nengazen, iyan a edhadì.”