Daniel 7:1 - Manobo Western Bukidnon OT

¹ Duen te nehuna he tuig te kedhadì ni Belshazar ziyà te Babilonia, duen nelewasan ni Daniel ziyà te teǥeinep din. Iyan heini teǥeinep din he insurat din:

Daniel 7:1 ပူးပေါင်းရင်းမြစ်များ

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Genesis 46:2

Ne hein mezukilem, mibpaahà is Megbevayà ki Jacob. Ne mid-umew te Megbevayà si Jacob, ke sikandin te, “Jacob.” Ne midtavak si Jacob te, “Heini e zed.”

Job 4:13

Nehitavù heini kayi te kediey pinaaǥi te teǥeinep dutun te sevaha he mezukilem he ebpemenlipezeng wey egkengehurep is menge etew.

Isaias 30:8

Migkaǥi is Nengazen kayi te kedì te, “Genat ka, isurat nu ziyà te libru is egkeǥiyen ku he ebpekesuǥat te menge Israilihanen su wey zuen pengintutuu ziyà te menge etew te huziyan he timpu. Egkehimu heini he wazè din pidtemanan he pengintutuu te kelelalung dan.

Isaias 8:1

Migkaǥi is Nengazen kayi te kedì te, “Kuwa ka te meluag he edsuratan, ne isurat nu heini he menge lalag is edhenduen te: ‘Maher Shalal Hash Baz.’

Jeremias 23:28

Bey-ani en heini he menge ebpeneuven ke ebpenudtul zan te menge teǥeinep dan, piru sikan is menge ebpeneuven he nekezineg te lalag ku kinahanglan he edtudtulen dan heini te tinutuuwà. Su zuen kebpekedselekawà te teǥeinep dan wey is lalag ku iring te kebpekedselekawà te reǥami wey veǥas din.

Jeremias 27:7

Ebpenilbi kandin is menge etew ziyà te langun he menge nasyun. Ebpenilbi zan daan te menge anak din wey menge apù din taman te timpu he iyan en maan edezeetan is Babilonia. Dutun he timpu, iyan en maan ebpekepenilbi is menge tig-Babilonia te mahabet he menge nasyun wey te mekeǥeǥehem he menge hadì.

Jeremias 36:32

Umbe, migkuwa si Jeremias te selakew en he linulun he velesahan ne imbeǥey zin haazà ki Baruc, ne insurat dutun ni Baruc is langun he indikta kandin ni Jeremias, iring te mibeelan dan duen te nehuna he linulun he velesahan he midtutung ni Hadì Jehoyakim he hadì te Juda. Piru zuen in-uman ni Jeremias kayi he ebpekeiring ded duen te nehuna he insurat.

Jeremias 36:4

Umbe, impetawag ni Jeremias si Baruc he anak ni Neria ne indikta zin kandin is langun he migkaǥi te Nengazen, ne insurat heini ni Baruc diyà te linulun he suratà.

Ezekiel 1:1

Iyan a si Ezekiel, sevaha a he memumuhat ne anak a ni Buzi, wey sevaha a te menge mibihag pehendiyà te Babilonia. Duen andew he zutun diyà a te veyvey te Wahig he Kebar zuma te zuma he menge vinihag, ne neehè ku he nepuwasan is langit ne midumala a te ǥehem te Nengazen. Ne zutun duen impelewasan din kediey. Nehitavù heini hein ikelima he andew te ikeepat he vulan te ike-30 he tuig. Iyan heini timpu te ikelima he tuig te kegkevihaǥa ki Hadì Jehoyakin.

Daniel 1:17

Mibeǥayan te Megbevayà heini is heepat he vetan-en te ketau lavew en diyà te nekedseselekawà he menge velesahan wey menge ketudluanan. Ne gawas kayi mibeǥayan din si Daniel te ketau wey zin ikeseysey is kehuluǥan te menge egkengelewasan wey menge teǥeinep.

Daniel 2:1

Dutun te ikezuwa he tuig te kedhadì ni Nebucadnezar, kepipira sikandin meketeǥeinep. Nekepeliveg kandin haazà is menge teǥeinep din, umbe kenà sikandin ebpekelipezeng.

Daniel 2:26

Mid-insaan dutun te hadì si Daniel he migngezanan daan te Belteshazar, “Egkekaǥi nu ve kediey ke hengkey is teǥeinep ku wey igkeseysey nu ve is kehuluǥan din?”

Daniel 4:13

“Ne neehè ku zaan is sevaha he velinsuǥuen he nenaug he ebpuun te langit.

Daniel 4:5

Piru zuen ku teǥeinep he ingkahandek ku wey ingkesemuki ku.

Daniel 5:1

Hein si Belshazar is hadì diyà te Babilonia, midhimu sikandin te zekelà he keemuran he para te nengkelibu he lavew he menge etew zin. Ne hein ed-iinum sikandan te vinu, impekuwa ni Belshazar is bulawan wey pelata he inumà he nekuwa te amey zin he si Nebucadnezar ziyà te valey te Megbevayà diyà te Jerusalem. Impekuwa zin heini su para te ed-inuman dan duma te menge meǥeliyug din he memetikang is ked-etew, menge esawa zin he lavew, wey is menge esawa zin he kenè lavew. Umbe hein mid-uwit en diyà te kandin haazà is menge inumà ne iyan heini mid-inuman dan.

Daniel 5:22

“Ne sikew, Hadì Belshazar is anak din, minsan pa te netuenan nu heini is langun, ne mibpelavew ka gihapun,

Daniel 5:30

Dutun dà he kezukileman, midhimetayan si Belshazar is hadì te menge tig-Babilonia.

Daniel 7:13

Ne zutun neehè ku zaan is henduen be te etew he neliǥuyan te ǥapun. Mid-uvey sikandin diyà te Megbevayà he uuyag puun pa te nehuna.

Daniel 7:15

Ne nesemukan a he ed-isip-isip dutun te neehè ku.

Daniel 7:7

Dutun daan he kezukileman, nelewasan ku is ikeepat he langgam. Mekahandekhandek heini he ed-ahaan wey utew mezesen. Duen dezekelà is menge ngipen din he putew. Egkeǥaten din wey egkeenen din is egkekeizan din, ne emun duen din samà edrunteken din heini. Nekeviza sikandin duen te tetelu he menge langgam, wey zuen sepulù he sungey zin.

Daniel 8:1

Duen te iketelu he tuig te kedhadì ni Belshazar, duen en maan nelewasan ku.

Joel 2:28

“Diyà te huziyan he timpu ibeǥey ku is Mulin-ulin ku ziyà te langun he kelasi te etew. Is menge anak niw he maama wey vahi ebpenudtulen dan is menge lalag ku. Is meǥurang keniyu he menge maama ibpeteǥeinep ku. Is menguhed keniyu he menge maama duen menge ibpelewasan ku kandan.

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Habakuk 2:2

Iyan heini tavak te Nengazen ki Habakuk: “Isurat nu he keladu ziyà te suratà he vatu is ibpahayag ku ziyà te kenikew su para melemu heini he ebesahan.

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.