Daniel 6:7 - Manobo Western Bukidnon OT

⁷ Sikami is menge administradur, menge mayur, menge gubirnedur, menge sumesambag, wey zuma he menge upisyal te ginhedian nu, neuyun key he edhengyuan dey sikew he vaal ka te velaud, he seled te 30 he andew kinahanglan he wazà minsan hentei he ebpengemuyù diyà te minsan hentei he ed-ezapen etawa etew, kekenà, diyè dà te kenikew. Ne utew kinahanglan he edtumanen heini, su is minsan hentei he kenà kayi edtuman he suǥù ne idtimbag diyà te vudsi he zuen duen menge erimaung.

Daniel 6:7 ပူးပေါင်းရင်းမြစ်များ

Salmo 10:9

Iring sikandan te erimaung he ed-eles he ed-ayan su edekepen dan is menge egkaayuayu, ne emun ebpekezakep dan en ne eguyuzen dan haazà.

Salmo 2:2

Is menge hadì wey is menge pengulu kayi te kelibutan, ne midtiǥum dan wey nengandam te kebpekidtebek te Nengazen wey te hadì he mibpilì din.

Salmo 59:3

Nengazen, ahaa nu man, mid-eyanan e zan, su edhimetayan e zan minsan pa te wazà a mekesalà diyà te kandan.

Salmo 62:4

Egkesuatan a keniyu te ebpaawà puun te metikang he ketengdanan ku. Ne igkelipey niw is kedtarùtarù. Meupiya uvag is menge lalag niw kayi te kedì piru ziyà te ǥehinawa niw ebpenrewakan a keniyu.

Salmo 83:5

Nesevaha sikandan te mezaat he pelanu zan. Mid-uyun sikandan te kegkuntada kenikew.

Salmo 94:20

Kenà egkehimu he edepiǥan nu is lalung he menge menhuhusey, he ebaal te supak te kesuǥuan.

Daniel 2:4

Ne midtavak duen te menge menenagnà haazà is hadì te kineǥiyan he Aramico te, “Mebmeluǥayad is untung nu, Mahal he Hadì! Tudtula nu ziyà te kenami te menge suluǥuen nu is teǥeinep nu, ne idseysey zey ziyà te kenikew is kehuluǥan din.”

Daniel 3:11

ne sikan is kenà ed-azap ne idtimbag diyà te egkiràkirà he rapug?

Daniel 3:2

Ne kegkepasad dutun impetawag ni Hadì Nebucadnezar is menge gubirnedur, menge mayur, menge kunsiyal, menge megsesambag, menge trisuriru, menge meghuhukum, menge pengulu, wey zuma pa he menge upisyal ziyà te menge prubinsya su wey zan meketelavuk te kebpehinunguza zuen te ledawan. Ne hein diyè dan en ebpemenhitindeg te etuvangan duen te ledawan,

Daniel 3:27

Ne zutun mid-amur-amur ziyà te kandan is menge gubirnedur, menge mayur, menge kunsiyal, wey zuma pa he menge upisyal te hadì. Ne neehè dan he wazà sikandan memenu te hapuy. Minsan is bulvul zan wey kumbalè dan ne wazà metutung, ne minsan is ngazeg te evel ziyà te kandan ne wazà.

Daniel 3:6

Is minsan hentei he kenà ed-azap, idtimbag diyà te egkiràkirà he rapug.”

Daniel 6:16

Umbe, impezakep dutun te hadì si Daniel ne impeulug din diyà te vudsi he zuen duen menge erimaung. Migkaǥi haazà is hadì diyà te ki Daniel te, “Berakat he libriya ka te Megbevayè nu he kenè nu ed-engkezan te edsilbi.”

Daniel 6:22

Wazà a menuwa te menge erimaung su midsuǥù te Megbevayè ku is menge velinsuǥuen din, ne midsabpeng dan is bèbà te menge erimaung. Mibeelan heini te Megbevayà su netuenan din he lumpiyu a wey wazà mezaat he neveelan ku ziyà te kenikew.”

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”