Daniel 6:4 - Manobo Western Bukidnon OT

⁴ Ne tenged dutun nesina sikan is dezuwa he zuma zin he menge administradur wey is menge gubirnedur ne mibpekeventayan dan si Daniel su wey zan maahà is sayep din te kedumala zin su wey zan sikandin ikesumbung. Piru wazà egkeehè dan he sayep su egkeseriǥan si Daniel ne meupiya is kedumala zin.

Daniel 6:4 ပူးပေါင်းရင်းမြစ်များ

Genesis 41:38

Ne migkaǥi haazà is hadì diyà te menge upisyal zin te, “Wazè en duma pa he egkeehè tew he iring ki Jose su mid-ulinan iyan sikandin te Megbevayà.”

Genesis 43:18

Ne utew sikandan nahandek dutun te kedumaha kandan diyà te valey ni Jose su neisip dan is, “Kela ke iyan indumaha kenitew kayi is tenged te selapì he neketaǥù diyà te menge saku tew zutun te nehuna he kedhendini tew. Kela ke edekepen kiw ne ed-uripenen kiw ne egkuwaan dan is menge asnu tew.”

Erubasa 29:27

Is menge metazeng egkeepesan dan is menge lalung, ne is menge lalung egkeepesan dan daan is menge metazeng.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 18:23

Piru netuenan nu Nengazen is langun he pelanu zan te kedhimatey kedì. Umbe kenè nu sikandan peseyluwa te menge salè dan wey kelelalung. Pengelinteuwi nu he mezaag sikandan te menge kuntada zan dutun te edtengtengan nu sikandan. Siluti nu sikandan tenged te pauk nu.”

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 29:7

Uǥup kew para mebmeupiya wey mebmeuswaǥen is inged he zutun kew ed-ubpà is impevihag ku. Ipengemuyù niw heini, su emun ed-uswag heini, ne ed-uswag kew zaan.”

Daniel 3:8

Dutun he timpu, duen nepipira he menge tig-Babilonia he mid-uvey zuen te hadì ne insumbung dan is menge Judio.

Daniel 5:12

Iyan sikandin si Daniel he migngezanan te amey nu ki Belteshazar. Duen din nekeviza he ebilidad wey ketau. Metau sikandin he edseysey te kehuluǥan te menge teǥeinep, edtagnà te ereg he edtegnaan, wey edsulbar te prublima he mereǥen he edsulbaren. Umbe, ipetawag nu sikandin ne ipeseysey nu kandin is kehuluǥan te nekesurat keniyan te elavat.

Daniel 6:22

Wazà a menuwa te menge erimaung su midsuǥù te Megbevayè ku is menge velinsuǥuen din, ne midsabpeng dan is bèbà te menge erimaung. Mibeelan heini te Megbevayà su netuenan din he lumpiyu a wey wazà mezaat he neveelan ku ziyà te kenikew.”

Zatù 14:4

Wazà metueni te menge ginikanan ni Samson he haazà is disisyun din ne iyan bes egkesuatan te Nengazen. Su ebpen-ahà is Nengazen te hinungdan para mekepekidtebek te menge Filistihanen, su zutun he timpu sakup te menge Filistihanen is menge Israilihanen.

1 Samuel 12:4

Midtavak is menge etew te, “Wazè key kenikew limbungi wey pegpeǥesa. Wazè nu migkuwa ziyà te minsan hentei.”

1 Samuel 18:14

Midmezeeǥen si David te langun he menge vaal zin tenged te midumahan sikandin te Nengazen.

1 Samuel 22:14

Midtavak si Ahimelec te hadì te, “Kenà heeyan egkehitavù! Su si David mekaamung nu, ne iyan pa sikandin suluǥuen nu he metinumanen, iyan pa sikandin egalen te menge vantey nu ne utew sikandin edtehuza te pemilya nu.