Daniel 6:3 - Manobo Western Bukidnon OT

³ Ne si Daniel, iyan edhuna kandan te langun su geina te nekeviza is kandin he ebilidad, umbe mibpelanu sikan is hadì he ibpezumala zin si Daniel te tivuuk he ginhedian din.

Daniel 6:3 ပူးပေါင်းရင်းမြစ်များ

Ezra 4:22

Kinahanglan he segugunè niw veeli heini su wey kenà mezeeti is ginhedian ku.”

Nehemias 7:2

Imbeǥey ku is ketengdanan te kedumala te Jerusalem diyà te suled ku he si Hanani, ne iyan duma zin si Hanania he peremandar te menge vantey te melig-en he kutà. Mibpilì ku si Hanania su egkeseriǥan sikandin wey zekelà is kedtahud din te Megbevayà lavew te kezekelan.

Ester 10:3

Ne si Mordecai, ebpeketinundug is kandin he kegkelavew te utew kegkelavew ni Hadì Ahasuerus. Si Mordecai edlingahaan wey edtehuzen te zuma zin he menge Judio, ne edtehuzen dan sikandin su nekeveǥey te keupiyaanan te menge emurè din te inged, wey te zuma zin he menge Judio, wey nekidlalag sikandin te hadì para kandan.

Erubasa 17:27

Is etew he uluwanen, emun egkaǥi, ebpekeventayan din is menge lalag din su wey kenà mekekaǥi te kenè hustu, ne is meudseb he etew mevented sikandin.

Erubasa 22:29

Is etew he metau he ebaal te edterebehuwen din ebpekepenilbi te hadì ne kenè diyà te menge etew zà duen.

Megwewali 2:13

“Meupiya is ketau kenè te ketutulebungi, su iring ded heini te kerayag su zeyzey heini te kerusireman.”

Daniel 5:12

Iyan sikandin si Daniel he migngezanan te amey nu ki Belteshazar. Duen din nekeviza he ebilidad wey ketau. Metau sikandin he edseysey te kehuluǥan te menge teǥeinep, edtagnà te ereg he edtegnaan, wey edsulbar te prublima he mereǥen he edsulbaren. Umbe, ipetawag nu sikandin ne ipeseysey nu kandin is kehuluǥan te nekesurat keniyan te elavat.

Daniel 5:14

Netudtulan a he ziyà te kenikew is mulin-ulin te menge ed-ezapen ne zuen nu nekeviza he abilidad wey ketau.

Daniel 5:7

Umbe, nekepengulahì sikandin is edsuǥù he umawa is uluwanen he menge etew ziyà te Babilonia: is menge selemengkiru, menge menenagnà, wey menge mengingingkuris. Ne kebpekeuma zan, migkaǥi sikandin diyà te kandan te, “Is minsan hentei he ebpekevasa te nekesurat keniyan te elavat wey ebpekeseysey te kehuluǥan din, ne ebpevistiyan ku te visti te hadì wey ebpevelieǥan ku te vulawan. Ne egkehimu sikandin he iketelu te kinelevawan he menge upisyal te ginhedian ku.”

Daniel 9:23

Su kebpuun nu zà ked-ampù ne zuen en impahayag te Megbevayà, ne midhendini a su egkeǥiyen ku kenikew haazà, su utew ka mibmahal te Megbevayà. Umbe pemineǥa nu wey sevuta nu is idseysey ku ziyà te kenikew: