Daniel 6:25 - Manobo Western Bukidnon OT

²⁵ Ne mibpesuratan ni Hadì Darius is langun he menge etew ziyà te nekedseselekawà he menge nasyun, menge kepuun, wey menge kineǥiyan kayi te kelibutan. Ne iyan heini insurat din: “Berakat he meupiya is kebpekesavuk niw.

Daniel 6:25 ပူးပေါင်းရင်းမြစ်များ

Ezra 4:17

Iyan heini tavak he impeuwit duen te hadì: “Ebpengemusta a kenikew Rehum he gubirnedur, wey ziyà te kenikew Shimshai he sikritaryu, wey te menge zuma niw he ed-ubpà diyà te Samaria wey is diyà te zuma pa he menge lugar he ziyan layun te Eufrates. “Berakat he meupiya is kebpekesavuk niw.

Ester 3:12

Umbe hein ike-13 he andew te nehuna he vulan, impetawag ni Haman is menge sikritaryu te hadì. Ne impesurat kandan is ibpeuwit diyà te menge gubirnedur, he menge pengulu wey upisyal ziyà te kada prubinsya te ginhedian din wey te menge kineǥiyan te menge meǥinged dutun. Midhimu zan heini is surat pinaaǥi te ngazan ni Hadì Ahasuerus, ne mibmerkahan duen te sising din.

Ester 7:10

Umbe imbitey zan si Haman diyà te vitayà he mibpeveelan din he para pezem ki Mordecai. Ne zutun naawà is pauk duen te hadì.

Ester 8:9

Ne hein ike-23 he andew te iketelu he vulan te tuig he migngezanan te vulan he Sivan, mibpesuǥuan sikan is menge sikritaryu zuen te hadì. Ne insurat dan is suǥù he impesurat kandan ni Mordecai he para te menge Judio, menge gubirnedur, menge pengulu, wey te lavew he menge upisyal zutun te 127 he menge prubinsya su puun dà te nasyun he India ne pehendiyè en te Etiopia. Ne is paaǥi te kedsurata zutun he suǥù, migamit dan is keugelingen he kineǥiyan te menge etew ziyà te kada prubinsya wey is kineǥiyan te menge Judio.

Salmo 7:15

Edlikù diyà te kandan is kebaal zan te samuk wey kebpesipala. Iring sikandan te mibudsi para egkeuluǥan te zuma zan, piru iyan mulà sikandan egkeulug dutun.

Salmo 9:16

Impekilala te Nengazen ke hentei sikandin pinaaǥi te metazeng he kedhukum din, ne is lalung he menge etew, iyan nekezezaat kandan is mezaat he menge vaal zan.

Erubasa 11:8

Edlibriyen te Megbevayà te kelised is metazeng he etew, piru kenè din mulà edlibriyen is lalung.

Daniel 3:4

ingkulahì te menunudtulà is lalag he edhenduen te, “Sikiyu is ebpemuun diyà te nekedseselekawà he menge nasyun, menge kepuun, wey menge kineǥiyan,

Daniel 4:1

Midsurat si Hadì Nebucadnezar te pahayag he para te langun he nekedseselekawà he menge nasyun, menge kepuun, wey menge kineǥiyan kayi te kelibutan. Ne iyan heini ingkesurat: “Berakat he mebmeupiya is kebpekesavuk niw.

Deuteronomio 19:19

ne kinahanglan he iyan sikandin edsilutan te silut he para pezem duen te insumbung din. Kinahanglan he id-awè niw heini he mezaat he vaal ziyà te keniyu.