Daniel 6:22 - Manobo Western Bukidnon OT

²² Wazà a menuwa te menge erimaung su midsuǥù te Megbevayè ku is menge velinsuǥuen din, ne midsabpeng dan is bèbà te menge erimaung. Mibeelan heini te Megbevayà su netuenan din he lumpiyu a wey wazà mezaat he neveelan ku ziyà te kenikew.”

Daniel 6:22 ပူးပေါင်းရင်းမြစ်များ

Genesis 40:15

Migebpaan a puun te inged dey te menge Hebriyuhanen, ne wazà salè ku he zait he igkepirisuwa kedì.”

2 Samuel 22:7

Hein kedlised ku nengumew a kenikew, Nengazen. Mibuyù a te tavang diyà te kenikew te Megbevayè ku, ne zutun te valey nu mibpemineg nu is ked-ampù ku.

1 Hadì 13:28

Migenat sikandin, ne neehè din haazà is minatey he nekesesavuk diyà te zalan wey sikan is erimaung wey asnu he edhithitindeg diyà te avey zutun. Wazà keena zutun te erimaung haazà ne wazà daan menuwa zuen te asnu.

2 Cronica 32:21

Ne midsuǥù te Nengazen is belinsuǥuen he mibpurung medezaat te menge memetau he menge sundaru, menge peremandar, wey te menge upisyal te Asiria ziyà te kampu te hadì te Asiria. Umbe mid-ulì si Hadì Senakerib he nepeel-elezan utew. Ne hein midseled sikandin diyà te simbahan he ed-ezapan te ed-ezapen din, midhimetayan sikandin te zuma he menge anak din pinaaǥi te ispada.

Salmo 118:28

Nengazen, iyan ka Megbevayè ku; ebpeselamat a wey edalig kenikew.

Salmo 26:6

Edlùluan ku is menge velad ku he tuus te wazè ku salà. Ne edhendiyà a te pemuhatà he zutun ka ebpemuhata su ed-azap a kenikew, Nengazen.

Salmo 31:14

Iyan, midsarig a ziyà te kenikew, Nengazen. Iyan ka Megbevayè ku.

Salmo 34:7

Ebentayan te velinsuǥuen te Nengazen is menge etew he edtahud te Nengazen, ne edlibriyen din sikandan te kezeetan.

Salmo 38:21

Nengazen he Megbevayè ku, kenà a kenikew pesegdana; kenà a kenikew pekeziyui.

Salmo 84:11

Su sikew, is Nengazen he Megbevayà, iring ka te andew he ebpeketayew, wey te kelasag he egkehimu he pengalang. Ebeǥey ka te pebur wey zengeg. Kenè nu idsekel is minsan hengkey he meupiya ziyà te nengungubpaan he wazà duen igkesawey.

Isaias 3:10

Keǥiyi niw is menge metazeng te meupiya is ukur zan, su egkeraǥun dan is beǥas te meupiya he menge vaal zan.

Isaias 63:9

Diyà te langun he menge elentusen dan, nekaantus daan sikandin, ne midlibri zin sikandan pinaaǥi te velinsuǥuen he mibpezayag diyà te etuvangan din. Tenged te kebmahala wey kegkehizuwi zin kandan midlibri zin sikandan; mid-etiman din sikandan seled te langun he andew zutun te nehuna he timpu.

Jeremias 37:18

Ne mid-insaan ni Jeremias haazà is hadì te, “Hengkey ves is salà he neveelan ku ziyà te kenikew, ziyà te menge upisyal nu, wey ziyà te zuma he menge etew he iyan impepirisuwa nu kedì?

Daniel 3:28

Ne tenged dutun migkaǥi haazà is hadì te, “Edeliǥen is Megbevayà eni Shadrac, Meshac, wey Abednego. Midsuǥù din is belinsuǥuen din te kedlibri kandan te menge suluǥuen din he midsarig diyà te kandin. Heini sikandan wazà medsunud te suǥù ku te ked-azap duen te ledawan, kekenà, midtumù dan he idtimbag sikandan diyà te hapuy su para kenà sikandan mekaazap te minsan hentei he ed-ezapen he kenà iyan is kandan he Megbevayà.

Daniel 6:20

Ne kebpekeuma zin, ebpenliliǥayan sikandin is ebpengumew he ke sikandin te, “Daniel, suluǥuen ka te uuyag he Megbevayà, wazè be mekekaid kenikew is menge erimaung tenged te kedlibriya kenikew te Megbevayè nu he kenè nu ed-engkezan te edsilbi?”

Daniel 6:23

Ne kegkezineǥa zutun duen te hadì, utew sikandin nelipey ne zuen midsuǥù din te kegkuwa ki Daniel zutun te vudsi. Ne hein nekeǥawas en si Daniel ne wazà minsan deisey he palì etawa rudrud he neehè dan diyà te lawa zin, su geina te midsarig sikandin te Megbevayà.

Daniel 6:4

Ne tenged dutun nesina sikan is dezuwa he zuma zin he menge administradur wey is menge gubirnedur ne mibpekeventayan dan si Daniel su wey zan maahà is sayep din te kedumala zin su wey zan sikandin ikesumbung. Piru wazà egkeehè dan he sayep su egkeseriǥan si Daniel ne meupiya is kedumala zin.

Daniel 6:7

Sikami is menge administradur, menge mayur, menge gubirnedur, menge sumesambag, wey zuma he menge upisyal te ginhedian nu, neuyun key he edhengyuan dey sikew he vaal ka te velaud, he seled te 30 he andew kinahanglan he wazà minsan hentei he ebpengemuyù diyà te minsan hentei he ed-ezapen etawa etew, kekenà, diyè dà te kenikew. Ne utew kinahanglan he edtumanen heini, su is minsan hentei he kenà kayi edtuman he suǥù ne idtimbag diyà te vudsi he zuen duen menge erimaung.

Micas 7:7

“Piru siak mulà, edsarig a te Nengazen he Megbevayè ku. Edteǥazan ku sikandin is edlibri kedì. Ne ebpemineǥen din is ked-ampù ku.”

Numero 20:16

piru mibuyù key te tavang diyà te Nengazen ne mibpemineg key zin, ne midsuǥù sikandin te velinsuǥuen he mibpeǥawas kenami ziyà te Ehipto. “Guntaan kayi key te Kadesh he inged he uvey te tanè nu.

1 Samuel 17:37

Is Nengazen he midluwas kedì dutun te erimaung wey bir edluwas daan kedì kayi te gehem te Filistihanen.” Migkeǥiyan ni Saul si David te, “Uya, hipanew kad, berakat he iyan is Nengazen eduma kenikew.”

1 Samuel 26:18

Maan is edel-asen nu is suluǥuen nu? Hengkey ves is mezaat he neveelan ku?