Daniel 6:10 - Manobo Western Bukidnon OT

¹⁰ Ne hein netuenan ni Daniel he mibpirma haazà is hadì, ne mid-ulì sikandin. Ne ziyà te zivavew he ruǥu te valey ni Daniel ne zuen dutun menge sulawà he ebpekesinaru ziyà te Jerusalem. Ne zutun sikandin renged is edluhud wey ebpengemuyù diyà te Megbevayè din te ketetelu kada andew, su iyan haazà layun din ebeeli.

Daniel 6:10 ပူးပေါင်းရင်းမြစ်များ

1 Hadì 8:30

Pemineǥa nu is menge hangyù ku wey hangyù te menge etew nu he Israilihanen te kebpengemuyù dey he kayi he lugar ed-etuvang. Pemineǥa nu keniyan te ubpeey nu he langit. Ne emun egkezineg key kenikew, ne peseyluwa key.

1 Hadì 8:38

ne emun duen kandan ebpengemuyù etawa ke ebpetavang kenikew, ne pemineǥa nu sikandan. Ne emun nesavut dan is pinaaǥi te kebpekesalè dan ne nekeuma ziyà te kandan heini is ked-antus dan, ne ebpengemuyù dan he ibpeketikang dan is menge velad dan he ed-etuvang kayi te valey nu,

1 Hadì 8:44

“Emun edhipanew is menge etew nu te kebpekidtebek su iyan inmandù nu, ne emun ed-ampù sikandan he edsinaru kayi he inged te pinilì nu wey kayi te valey nu he mibangun ku he para te zengeg nu,

1 Hadì 8:54

Hein nepasad ni Solomon is menge kebpengemuyù din wey menge hangyù din diyà te Nengazen, midhitindeg sikandin diyà te etuvangan duen te pemuhatà he para te Nengazen. He zutun sikandin medluhud is ebayew te menge velad din diyà te zivavew.

2 Cronica 6:13

Diyà sikandin medhitindeg te brunsi he intebladu he mibpeveelan din. Heini he intebladu ne pitu wey tengà he ǥiek is keluag wey keleyat, ne heepat wey tengà he ǥiek is ketikang kayi. Hein nepasad midluhud si Solomon dutun te etuvangan te keet-etawan te Israel he imbayew zin is menge velad din.

2 Cronica 6:38

pemineǥa nu is menge kebpengemuyù dan. Ne emun ebpekid-uliey sikandan kenikew te ebpuun te tivuuk he ǥehinawa zan wey isip dan diyà te lugar he zutun dan bihaǥa, ne ebpengemuyù dan he ed-etuvang kayi te tanà he imbeǥey nu te menge kepuun dan, he iyan heini is inged he mibpilì nu, wey heini is baley nu he midtukud ku para te zengeg nu,

Ezra 9:5

Dutun te kegkeuma keniyan he uras, mid-engked a he edseengseeng. Midluhud a is nevindas is bisti, ne nengemuyù a he ebayew te menge velad ku ziyà te Nengazen he Megbevayè ku.

Nehemias 6:11

Piru midtavak a te, “Gubirnedur a; ne kenè ku egkehimu is ked-eles diyà te valey te Nengazen su wey a kenà mebpatey. Kenà a ed-eles!”

Salmo 34:1

Layun ku edeliǥa is Nengazen; kenà a ed-engked he edalig kandin.

Salmo 5:7

Iyan, siak mulà, ebpekeseled a ziyà te valey nu he segradu su ǥeina te utew a kenikew mibmahal. Ne zutun ku sikew ed-ezapa te ked-azap duma te zekelà he kedtahud kenikew.

Salmo 55:17

Meselem, meudtu, wey mezukilem ebpekeriklamu a zuma is kedag-es ne ebpemineǥen e zin.

Salmo 86:3

Kehizuwi a, Nengazen, su layun a ebpengumew-umew kenikew.

Salmo 95:6

Kuwa kew en, edluhud kiw te ked-ezapa te Nengazen he midlimbag kenitew.

Daniel 6:13

Ne migkeǥiyan dan haazà is hadì te, “Si Daniel he sevaha zuen te menge vihag puun te Juda, wazà medtuman te suǥù nu. Ed-ampù sikandin diyà te Megbevayè din te ketetelu kada andew.”

Daniel 9:4

Ne iyan heini migkaǥi ku zutun te ked-ampù ku ziyà te Nengazen he Megbevayè ku wey kedtug-an ku te menge salè ku wey menge salà te menge Israilihanen: “Nengazen, mekeǥeǥehem ka wey egkein-inuwan he Megbevayà. Metinumanen ka, ne edtumanen nu is penaad nu he ebmahalen nu is ebmahal kenikew wey edtuman te menge suǥù nu.

Jonas 2:4

Minsan pa te impekeziyù a puun kenikew, netuenan ku he ebpekehendiyà a ǥihapun te segradu he valey nu.